ZEKARIA 3
3
Zâwlneiin inlârnaa Thiempu lal Josua a hmu thu
1 #
Ezr 5.2; Tp 12.10 Chun, thiempu lal Josua LALPA vântirko hmaa ngîr le, Setan chu a khingpui ni dinga a changtienga ngîr chu a mîn entir a.
2 #
Juda 9 LALPA chun Setan kuoma chun, “Aw Setan, LALPA chun a kâwk che hi! Anih, LALPA Jerusalem thlangtu chun a kâwk cheu a nih! hi hi meia inthawka a kâng lai lâk suok a ni naw am a nih?” a ta.
3Chun, Josua chu silfên ṭawptakin ân thuom a, vântirko hmaa chun a ngîr tah a.
4Vântirko chun, a hmaa ngîrhai kuoma chun, “Amaa inthawkin silfên ṭawptak kha la hmang ro,” a ta. Chun, ama kuoma khawm chun, “Ngai ta, i suolna chu nangmaa inthawkin kân fe hmangtir tah a, silfên man tamtak- in kân thuom ding che a nih,” a ta.
5Chun, keiin, “A lu chungah lu- kâwm mawitak inkâwmtir raw hai se,” ka ta. Chuongchun, a lua chun lukâwm mawitak chu an inkâwmtir a, ama chu silfênhai chun ân thuom a; chun, LALPA vântirko chu a kâwla chun a ngîr zing a.
6Chun, LALPA vântirko chun Josua kuomah a hril a,
7“Sipaihai LALPA chun hieng ang hin a ti a nih, ka lampuihaiah i fe a, ka iphût chu i thaw bawk chun, ka insûng ro rêl i ta, ka in inhuonna tuollaihai chu vawng ṭha bawk i tih. Chun, hitaka ngirhai lai hin um ve theina pêng ka ti che. 8#Jer 23.5; 33.15; Zek 6.12 Tuhin thiempu lal aw Josua, nang le i hmaa i rawihai ṭhung hlakhai le chun ngai ta u; inchikna dinga mihai an ni sih a; ngai ta u, a Kau, ka siehlaw chu ka hung lâk suok ding a ni sih a.
9En ta u, Josua hmaa chun lung pakhat sîr sari nei ka sie a; ngai ta u, chutaka chun thil ziek ker ka ta, sipaihai LALPA chun a tih, chun, ni khat sûngin chu ram suolna chu sawn hmang ka tih.
10 #
Mik 4.4 Chu nia chun, theichang kûng le grêphrui hnuoia chun nangni mi tin chun mâni tuolbâwmhai chu ko tâng in tih,” sipaihai LALPA chun a tih.
اکنون انتخاب شده:
ZEKARIA 3: HMARCLBSI
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.