ZEKARIA 10
10
Lalpain a mihai ân tlansuok thu
1LALPA kâwlinlephai siemtu ngei chu, LALPA kuoma chun ruo nuhnung huna hin ruo ngên ro; chun ama chun ruopui sûr chu pêng a tih, loa thlaihna tin kuoma chun.
2 #
Mt 9.36; 6.34 Milim chun teplo mei mei a hril a, a lo dawngtuhai khawm chun khêl thu chu an hmu sih a; manga mang- tuhai khawm chun khêl mei mei an mang a, a thlâwn elin an insukthla- muong a nih; chuleiin, berâm angin anni lampui chu an hrawh a, sukrimsikin an um hlak, berâmpu a um naw leiin.
3Berampuhai chunga chun ka lunginsenna chu a chawk a, kêlchal- hai chu ka hrem ngei ding a nih; sipaihai LALPA chun a berâmruol Juda sûngkuohai chu a hung sir tah a, indonaa sakawr ṭhatak angin a siem ngei ding a nih.
4Amaa inthawkin a kiha lung dâm, amaa inthawkin a kilna dâm, amaa inthawkin indona thalngul dâm, amaa inthawkin rorêltu dâm an hung suok tlâng vawng ding a ni sih a.
5Chun, indona chun an hmêlma- hai chu kawtthlêra chirhak chîl anga chîlin mi thilthawtheitakhai hung nîng an ta, LALPA chu an kuomah a um zing leiin, anni chu do an tih; chun, sakawr chunga chuong mihai khawm chu sukhamhaiin um an tih.
6Chun, Juda insûng chu hung sukhrât ka ta, Josef insûng chu sandam ka tih; chun, anni chu hung ṭhuoi kîr nâwk ka tih, an chungah lunginsietna ka nei sih a; chun, anni chu ka lo pei thlâk naw ang hrimin um tâng an tih; chun, an thu chu ngai bawk ka ta, LALPA an Pathien ka ni sih a.
7Chun, Ephraimhai kha chu mi thilthawtheitak ang nîng an ta, uoin leiin an lungril chu hlim a tih; anih, an thlahai chu hmûng an ta, lâwm an tih; an lungril khawm chu LALPAA chun lâwm bawk a tih.
8An ta dingin faifûk ka ta, anni ko khâwm ka tih; anni chu kân tlan ta sih a; a lo pung ta ang bawk khan hung insukpung an tih.
9Chun, anni chu mipuihai laia chun tûng ka ta; ram hlataka khawm mi hre zing an tih; chun, an nau le têhai leh um an ta, hung kîr nâwk an tih.
10Aigupta rama inthawk khawm- in anni chu hung ṭhuoi suok nâwk ka ta. Assuria rama inthawkin la khâwm nâwk ka tih; Gilead le Lebanon rama chun ṭhuoi lût ka ta; an ta dinga hmun indai naw hielin.
11Chun, ama chun sukrinumna tuisuoriet chu fe thleng a ta, tui- suorieta chun a fâwnhai chu thâwng a ta. Nile li inthûkhai po po khawm chu kang intan a tih; chun, Assuria chapona chu sukhnuoi nîng a ta, Aigupta lalhmawl chu fe hmang tâng a tih.
12Chun, anni chu LALPAA chun sukhrât ka ta, chun, ama hmingin a suk a tungin fe tâng an tih, LALPA chun a tih.
اکنون انتخاب شده:
ZEKARIA 10: HMARCLBSI
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.