MALAKI 1
1
Jakob ta dinga Lalpa hmangaina
1Malaki hmanga Israel chunga LALPA thu phurrik chu.
2LALPA chun, “Ka hmangai cheu a, nangni ruok chun, ‘Khaw lai am i mi hmangai a?’ in la ti rawp a,” a ta. LALPA chun, “Esau chu Jakob u- naupa a ni naw am a nih? Jakob chu ka hmangai a,
3 #
Rom 9.13 Esau ruok chu ka theida a, tlânghai chu râusanin ka siem a, a rochan chu thlalêr sihalhai kuomah ka pêk kha,” a ta.
4Edom mihai chun, “Hnein ei um ta ngeia chu, kîr nâwk ei ta, hmun se tahai chu siem ṭhâng ei tih,” ti hai sien khawm; sipaihai LALPA chun hieng hin a tih, “Bâwl an ta chu, kei thlûng ka tih: chun, mihai chun anni chu, ‘Khawhlona ram le, kumkhuoa an chunga LALPA lunginsenna zing zing hnam,’ tîng an tih.
5 #
Is 34; 63.1-6; Jer 49.7-22; Ezek 25.12-14; 35; Am 1.11-12; Ob 1-14 In mithaiin hmûng in ta, ‘Israel ram khêl chena khawm LALPA chu chawimawiin a um tah a ni hi,’ tîng in tih,” tiin.
Lalpain thiempuhai a zil
6Sipaihai LALPA chun in kuomah a hril a, “Aw thiempu, ka hming hmusittuhai, naupa chun a pa ân zah a, siehlaw chun a hotu: chuonga pa ka ni chun, khâw lai am inza ka nina? Hotu ka ni chun, khâwlai am ṭi ka nina? Nangni chun, ‘Khâwlai am i hming chu kan hmusit a?’ in tih a.
7Ka dawkân chunga khan bei sukpawrche tah in inhlân a; chun, nangni chun, ‘Khâwlai am kan sukpawrche cheh a?’ in tih a. Chutaka chun, ‘LALPA dawkân chu hmusitum a nih,’ in ti kha.
8 #
Dt 15.21; Lev 22.22 Inthâwina dinga a mitdel in inhlân khan, suol a ni naw bâk chu teh! A damnaw le a kebai in inhlân khan, suol a ni naw bâk chu teh! In rorêltu kuomah va pe hrim ta u, a lo lâwm hrim cheu am? Annawleh, in mi nina chu a lo pawm ding am a nih? sipaihai LALPA chun a tih.
9 #
Hos 13.9 Chuongchun, tuhin, ka ngên cheu hi, ei kuoma za a ngai theina dingin LALPA ditsakna chu ngên ro; hi hi nangni kut thilthaw ngei chu a na, nangni mi nina chu a pawmpêk ding cheu am a nih? sipaihai LALPA chun a tih.
10 #
1 Kor 9.13; Is 1.11 Nangni laia mi pakhat bêk, ka mâichâma a thlâwna mei a sêm nawna dinga kawtkhârhai khâr hlak chu um unla chu aw! sipaihai LALPA chun a tih, nangnia hin lâwmna hrim ka nei naw a nih; in kuta thilin- hlân hrim hrim khawm lâwm naw ningah.
11 #
Is 59.19; 60.3,5; 1 Tim 2.8; Tp 8.3; Is 66.19 Nisa suoknaa inthawka a tlâk- na chenin Jentailhai lai hman ka hming hi a ropui a na; hmun tinahai chun riminhnik dâm ka hminga in- hlân a na, thil inthieng inhlân leh; Jentailhai lai hman ka hming chu a ropui sih a, sipaihai LALPA chun a tih.
12Amiruokchu, in bawsiet a, chu- taka chun, ‘LALPA dawkân chu sukpawrche a ni tah a, chutaka a theirahai khawm chu; chun, a buhai ngei khawm chu hmusitum a ni tah,’ in ta.
13 #
Lev 22.20 Chun, ‘Ngai ta u, nghawk a va um ngei de!’ in ta, in hnâr in hnâwt- khum a, sipaihai LALPA chun a tih. Chun, pâwngnêka lâk chu in hung lâk a, a kebai ruol, a damnaw ruol leh; chuong ang chun thilinhlân chu in hung lâk a na, hi in kut thilthaw hi ka pawmpêk ding cheu am a nih? sipaihai LALPA chun a tih.
14 #
Sm 47.2; 1 Tim 6.15 Amiruokchu, a berâm ruol lai a chal, tiemkam sa tah neia, LALPA kuoma demuma inthâwi a, hlêmtu chu ṭawngsephurin um raw se: lal ropuitak ka ni sih a, ka hming khawm Jentailhai kuom chena khawm ṭi a um a nih, sipaihai LALPA chun a tih.
اکنون انتخاب شده:
MALAKI 1: HMARCLBSI
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.