HAGGAI 2
2
Biekin thar ropuina
1A thla sarina, ni sâwmhni pa- khat nia chun zâwlnei Haggai kuoma chun LALPA thu chu a hung tlung a.
2“Juda ram awptu Sealtiel naupa Zerubbabel kuoma le, Jehozadak naupa Josua, thiempu lal kuoma le, mipui la um sunhai kuoma chun hril la,
3 #
Ezr 3.12 ‘Nangni lai hin hi in hi a hmaa a ropui lai kha hmu a dam tu am in la um a? Anleh, tuhin ieng ang charin am in hmuh a? In mithmua chun iengkhawm ni lo ang a ni naw am a nih?
4Anachu, Aw Zerubbabel, tuhin insukhrât rawh,’ LALPA chun a ti a nih; LALPA chun, ‘Aw Josua, nang Jehozadak naupa thiempu lal, in- sukhrât la, a rama mi po pohai, insukhrât unla, sin chu thaw ro,’ a tih, nangni lai ka um si a, mipuihai LALPA chun a tih:
5 #
Ex 33.14 Aigupta rama inthawka in hung suok laia in kuoma ka thuthlung thu anga khan in kuomah ka um a, ka thlarau chu nangni laia chêng zing a ni sih a: ṭi dêr naw ro, LALPA chun a tih,” tiin.
6 #
Heb 12.26 Sipaihai LALPA chun hieng hin a ti sih a: Vawikhat chu, sâwt nawtêah, vânhai le hnuoi le, tuisuoriet le ram ṭâwl chu sukhnîng ka ta;
7hnam po pohai chu sukhnîng ka ta; hnam tin thil duthusâmhai chu hung tlung a ta, chun, hi in hi ropuinain suksip ka tih, sipaihai LALPA chun a tih.
8Tangka chu ka ta a na, râng- kachak khawm chu ka ta a nih, sipaihai LALPA chun a tih.
9Hi in hi, hi hnungtienga a ro- puina chu a hmasa nêk khan la nasa lem a tih, sipaihai LALPA chun a tih: chun, hi hmuna hin inremna chu la pêng ka tih, sipaihai LALPA chun a tih.
An ringum nawna leiin mipuihai chu zilin an um
10Daria inlal a kum hninaa, thla kuona ni sâwmhni pali ni chun zâwlnei Haggai kuomah LALPA thu chu a hung tlung a,
11“Sipaihai LALPA chun hieng hin a tih. Thiempuhai chu hi dân thu hi indawn la,
12‘Miin a silfên puonhmawrin sa inthieng a pai a, chu puonhmawr chun bei amanih, thil suonghruoi amanih, uoin amanih, hriek amanih, sa amani khawm a tâwk chun in- thieng a hung ni ding am a nih?’ ti hi,” tiin. Chuongchun, thiempuhai chun an dawn a, “Ni lo e,” an ta.
13 #
Nam 19.11-12 Chun, Haggai chun, “Mi sa thi ruong leia inthieng naw chun hieng thil a iengkhawm hi tâwk sienla, thieng naw a ni ding am a ni”? a ta. Thiempuhai chun, “Thieng naw a ni ngei ding a nih,” tiin an dawn a.
14Chun, Haggai chun a dawn a, “Hi mipui hi chuong ang chie chu an na, hi hnam hi ka hmaa chun chuong ang chie chu an nih,” sipaihai LALPA chun a tih; “An kut sinthaw tinrêng khawm chuong ang chu a na, an thil- inhlâna chun thieng lo a um a nih.
15Chuleiin, tuhin ka ngên cheu hi, vawisûna inthawk hi hnung chen khawm, LALPA biekina lung chunga lung intieng a ni hma hun kha ngai- tuo ro;
16khânglai sûng hrim hrim khan, miin tekhâwng sâwmhni vûma a ruota chun sâwm chau a lo na: miin sâwrna khura bûr sâwmnga thâl dinga a hung chun sâwmhni chau a lo na.
17In kut sinthawnahai po poa chun riel le kumthu le ṭêk tlain ka hrem cheu a, anachu ka kuom tieng in la hung ngha naw rawp el hi,” LALPA chun a tih.
18“Ka ngên cheu hi, vawisûna in- thawka hi hnungtieng po po ngaituo ro; thla kuona, ni sâwmhni pali ni, LALPA biekin lungphûm phûm ni china inthawk chu ngaituo ro. 19Bu ina chun a chi chu a la um rawp am a nih? Grêphrui dâm, theichang kûng dâm, theibufai dâm, oliv thinghai le chun ra an insuo ngai nawh a; vawisûna inthawk hin chu mal ka sâwm ding cheu a nih,” tiin. Zerubbabel kuoma Lalpa thutiem
20Chu thla, ni sâwmhni pali ni chun LALPA thu chu a vawi hni- naah Haggai kuomah a hung tlung nâwk a,
21“Zerubbabel, Juda chunga rorêl- tu kuoma chun hril la, ‘Hnuoi le vânhai chu sukhnîng ka ta:
22ramhai lalṭhungpha khawm chu pei thlâng ka tih; chun, hnamhai lalram hrâtna chu sukse bawk ka tih; chun, tawlailîrhai chu pei thlâng ka ta, a chunga chuongtuhai le chun; sakawrhai le a chunga chuong, mi tin chu mâni unau kâwlhnâm ngeia suktlâwm ni tâng a tih,’ tiin.
23‘Chu nia chun, Aw Zerubbabel ka siehlaw, Sealtiel naupa, chel ka ti che,’ sipaihai LALPA chun a tih; ‘nang hi inchikna namna angin siem ka ti che,’ LALPA chun a tih; ‘nang hi ka lo thlang ta si cheh a,’ sipaihai LALPA chun a tih” tiin.
اکنون انتخاب شده:
HAGGAI 2: HMARCLBSI
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.