ROM 4
4
1Pumsa lei in hringtu kanpa Abraham nih zeidah a hmuh kan ti lai? 2Zeitintiah Abraham kha tuahsernâk in thiamcoter a si ahcun hmaihngalpi awk a ngei lai asinain Pathian hmai ah a ngei lo. 3Zeitintiah Cathiang nih zeidah a chim? “Abraham nih Pathian a zumh i cucu a dinnâk ah ruahpiak a si.” tiah a ti. 4Rianṭuantu sinah, pekmi ṭuanman cu zângfahnâk ah ruahpiak a si bal lo, batmi ah ruahpiak a si. 5Asinain rian zong ṭuan lo, Pathian zong zeirel lo, thiamcotertu a zumtu zumhnâk kha a dinnâk ah ruahpiak a si. 6Tuahsernâk tel loin, Pathian nih miding i a ruahmi hna lunglawmhnâk David nih a rak chimmi ah, 7“An nawl buarnâk ngaihthiam a simi hna le, an sualnâk khuhpiak a simi hna cu lunglawmmi an si. 8Bawipa nih sualnâk ngei i a ruah lomi cu lunglawmmi an si.” tiah a ti. 9Cu lunglawmhnâk cu cuarpar tanmi hna ca lawngah maw a si, tan lomi caah ta? Zeitintiah Abraham zumhnâk cu a dinnâk ah ruah a si kan ti fawn. 10Cucu zeitindah ruah a si? A cuarpar tan hlanah maw? tan hnu ah dah? A cuarpar tan hnuah si loin cuarpar a tan hlanah a si. 11Cuarpar tan lo i a um lioah, zumhnâk thawngin dinnâk a hmu tiah hmelchunhnâk, cuarpartan hmelchunhnâk zong a simi cu a hmuh cang; cuticun cuarpar tan lomi zong siseh miding i ruah an si khawh nâkhnga le, a zumtu vialte pa a si khawh nâkhnga, 12cuarpar tanmi hna anpa a si, cuarpar tanmi hna pa lawng si loin kan pa Abraham cuarpar tan lo i a um lio ah zumhnâk i a nun bantukin a nungmi ca zongah a si ve. 13Zeitintiah Abraham le a tefa hna sin i vawlei ro co lainâk biakam kha nawlbia thawngin a si lo i zumhnâk thawng i dinnâk in a si. 14Zeitintiah nawlbia zultu kha rocotu an si ahcun, zumhnâk cu zeihmanhlo ah a cang lai, biakammi zong sullam ngei lo a si lai, 15zeicatiah nawlbia nih thinhunnâk a chuahter, zeitintiah nawlbia um lo nâkah nawlbuarnâk zong a um kho lo. 16Cucaah biakamnâk nih mi vialte a khumh khawh nâkhnga nawlbia ngeitu hna lawng si loin, kan dihlak zumhnâk pa Abraham bantuk i zumhnâk ngeitu zong a khumhchih khawh nâkhnga zumhnâk thawngin zângfahnâk i pêk a si. 17A zumhmi Pathian, mithi hna nuntertu le a um lomi thil zong a ummi bang i a autu hmai ah, (tefa tampi pa ah kan siter, tiah ṭial a rak si cang). 18Ruahchan ding a um lo lio zongah, i ruahchan ngaiin a zumh, cucu miphun tampi pa ah a can khawhnâk zong a si. “Khizat khin na tefa hna cu an um te lai tiah” chimh a si bantuk khan. 19A pumsa a thi ciami bang (kum 100 a si cangmi) le Sarah cinnâk zong hngalh buin, zumhnâk kongah a lung a dong lo. 20Pathian biakam cu lunghrinh in a pialtâk lo, a zumhnâk tu a ṭhawng chin i Pathian tu thangṭhatnâk a pêk i 21A biakam cu Amah nih a tlinter khawh tiah a dihumnâk in a zumh. 22Cucaah “Cucu a dinnâk ah ruahpiak a si. 23Cubangin a dinnâk i ruahpiak timi cu amah ca lawngah a si lo, 24kanmah ca zongah a si ve. Kan Bawipa Jesuh thihnâk in a thawhtertu a zumtu kan ca-ah ruah a si ve lai, 25Amah cu kan nawlbuarnâk ruangah tlaih a si i thiam kan co khawh nâkhnga thawhter a si.
اکنون انتخاب شده:
ROM 4: HAKABSI
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.