JOHN 19
19
1Pailat nih Jesuh cu a kalpi i a tukter hna. 2Ralkap hna nih hling luchin serin an chinhter i puan senduk an aihter. 3A sinah, Salam, Judah Siangpahrang,” tiah an ti. An kut in an bengh. 4Pailat cu ava chuak ṭhân i, “Zohmanh u, a sualnâk zeihmanh ka hmu lo, ti nan hngalh nâkhnga, nan sinah ka ratpi ṭhân,” tiah a ti. 5Cuticun Jesuh cu puansenduk aih bu le hlingluchin chinhbu in an rak chuahpi i Pailat nih, “Zohhmanh u Mipa hi,” tiah a ti. 6Tlângbawi hna le kilvengtu-hotu hna nih an rak hmuh le cângkâ, an au ṭi i khenhchih ko, khenhchih ko, tiah an ti. Pailat nih, “I kalpi ulaw, va khenhchih u. Kei cu a sualnâk ka hmu lo,” tiah a ti. 7Judah mi nih, “Nawlbia kan nei. Cu nawlbia ningin Pathian Fapa ah â canter ruangah a thih awk a si,” tiah an ti. 8Pailat nih cu bia a theih tikah a ṭih chinchin, 9cun tualrawn ah ava kal ṭhân i Jesuh sinah, “Khuazei lei mi dah na si?” tiah a ti. Asinain Jesuh nih a let lo. 10Cuticun Pailat nih, “Naka chawn lai lo maw? Khenhchih kho le thlah kho ka si hi na hngal lo maw? tiah a ti. 11Jesuh nih, “Cunglei in pêk na si lo ahcun ka cungah tuah khawhmi zeihmanh na ngei lo. Nasin i aka petu hna sualnâk hi a zual chin” tiah a ti. 12Cu hnu cun Pailat nih chuahkhawhnâk lam a kawl, asinain Judah mi hna cu an au cuahmah ko. “Hi pa hi na chuah ahcun Sizar hawi na si lai lo. Siangpahrang ah â sermi pauh cu Sizar ralchanhtu an si,” tiah an ti. 13Pailat nih cu bia a theih tikah, Jesuh cu a kalpi i lungrual an timi, Hebru holh in Gabbatha an timi hmun ah biaceihnâk ah a ṭhu. 14Cu ni cu Lanhtâk Thô lai zarhte ni a si i zinglei suimilam pakua hrawng a si. Anih nih Judah mi hna sinah, “Zohhmanh u, nan siangpahrang hi,” tiah a ti. 15Asinain an au i, “Hloh ko, hloh ko, khenhchih ko,” tiah an ti. Pailat nih an sinah, “Nan siangpahrang hi ka khenhchih lai maw?” tiah a ti. Tlângbawi hna nih, “Sizar dah tilo cu Siangpahrang kan ngei lo,” tiah an leh. 16Cuticun Amah cu khenhchih dingah an kutah a pêk. Jesuh cu an i lâk i an kalpi. 17Anih nih a vailam i putin, ‘Luruh hmun’ timi, Hebru holh i Golgotha timi tiangin a kal, 18cuka ah an khenhchih, a kam veve ah midang pahnih, Jesuh a lai ah. 19Pailat nih ca a ṭial i vailam ah a tar. Cu ca`ial cu, NAZARETH JESUH JUDAH SIANGPAHRANG ti a si. 20Cuticun Jesuh an khenhchihnâk hmun cu khuapi pawng a si i catar mi zong Judah mi tampi nih an rel. Hebru, Grik le Latin holh in ṭial a si. 21Cucaah tlângbawi hna nih Pailat sinah, “Judah siangpahrang” tiah ṭial hlah. ‘Judah Siangpahrang ka si a ti’ tiah ṭial deuh” tiah an ti. 22Pailat nih, “Ka ṭialmi kha, ka ṭial dih ko cang” tiah a leh hna. 23Jesuh an khenhchih hnu ah ralkap hna nih a hnipuan kha an lak i hmunli ah an ṭhen i hmunkhat cio in an i lâk. A angki an lâk ṭhân i ṭhit lomi angki, a hngawngin a dihlak i tahmi a si. 24Cucaah, “Thlek hlah u sih, a ngeitu ding hngalhnâk dingah camcawhfung tu zuk u sih” tiah an i ti: Cathiang nih, “Ka hnipuan an i phaw i ka angki caah camcawhfung an zuh,” tiah a chimmi a tlin nâkhnga caah a si. Cucu Ralkap hna nih an tlinter tak tak. 25Jesuh vailam pawngah Anu le a unau, Mary, Kalopas nupi le Mary Magdalin an dir. 26Jesuh nih anu le a dawtmi lamkaltu Johan a pawng i an dir kha a hmuh i anu sinah, “Minu, zohhmanh na fapa a si khah,” tiah a ti. 27A lamkaltu sinah, “Zohmanh, nanu a si khah,” tiah a ti. Cu cân thawkin cu lamkaltu nih a innah a tlunpi. 28Cu hnu ah Jesuh nih thil vialte a tling cang ti kha a hngalh i Cathiang kha a tlin khawh nâkhnga, “Ka ti a hâl,” tiah a ti. 29Cuka ah bêl pakhat ah mitsur hang thor kha an chiah, cun tidawpnâk kha mitsur hang thor ah ciah in husop fungparah antar i ahmur ah an phâkter. 30Cuticun Jesuh nih mitsur thor cu a din hnu ah, “Â lîm cang,” tiah a ti. Cun a lu a khun i a thlarua a thlah. 31Cu Ni cu Timhtuahnâk ni a si, a ruak cu Sabbath ni ah vailam i a um nâkhnga lo (zeitintiah cu Sabbath cu ni sunglawi khun a si). Judah mi nih Pailat sinah an ke khiah i an ruak lak dingah an nawl. 32Cuticun ralkap kha an ra a sinah an khenhchihmi pakhatnâk le khatte lei kam ta an ke kha an khiah hna. 33Asinain Jesuh sin an phâk tikah a rak thih cang caah a ke kha an khiak ve lo. 34Ralkap hna lak i pakhat nih a hnak ah fei in a sawh i thisen le ti a chuak cawlh. 35Cu thil a hmutu nih a hngalhter cang, a hngalhtermi bia hi a dik i bia dik ngai a chim tiah a hngalh, nannih zong nih nan zumh nâkhnga. 36Zeitintiah Cathiang nih, “A ruh pakhat hmanh khiah a si lai lo,” tiah a chimmi a tlin nâkhnga cubantuk in a rak um. 37Cathiang dang nih, “An chunhnâk cu an zoh te lai,” tiah a ti ṭhân. 38Cuhnuah Josef Arimathea khua mi, Jesuh zultu a si ve mi, asinain Judah hotu hna a`ih ruangah a thli te in zultu pa kha Pailat sinah Jesuh ruak kha a va hal. Pailat nih a sian. Cuticun a ra i Jesuh ruak kha a lâk. 39Nikodimu, a hlan i zanah asin i a rami pa kha Mura le aloi cawhmi pawng zakhat tluk he a ra ve. 40Cuticun Jesuh ruak kha an lâk i Judah mi ruakvui ning in rimhmui mi he, khiangrâng puan in an zual. 41An khenhchihnâk hmunah dûm pakhat a um. Cu dûm ah ahohmanh an vui rih lonâk thlân thar a um. 42Cuticun Judah mi zarhte ni a si i thlân cu a pawng te i ummi a si caah, cuka ah Jesuh cu an vui.
اکنون انتخاب شده:
JOHN 19: HAKABSI
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
