ACT 12
12
1Cu cân ah Herod nih kawhhran chungmi cheukhat serhsat dingin a kut a samh. 2Johan unau Jeim kha vainam in a thah. 3Cu thil nih Judah mi a lawmhter hna ti kha a theih tikah Peter zong tlaih an timh. Cucân cu thilnu cawh lomi Changreu Thô lio a si. 4A tlaih hnuah thong ah a thlak i ralkap buli, pali duahmah in a venter hna. Lantâk thô a dih tikah mizapi hmai ah chuahpi an timh. 5Peter cu thong ah an umter i kawhhran hna nih biatak tein Pathian sinah thla an cam piak. 6Herod nih chuahpi a timh lai ni zanah Peter cu ralkap pahnih hna lakah hreng pa hnih khenh buin â hngilh, a vengtu hna zong nih thonginn cu vengin innkâ hramah ṭha tein an congh. 7Cun zohhmanh, Bawipa vancungmi pakhat a sinah a dir i thonginn cu a ceu, Peter cu a hnâk in a tongh i â hlau. “Khulrang in tho” tiah a ti. Hrengkhenh hna cu a kut in an tla. 8Vanmi nih, “I tim law na kedan i danh,” tiah a ti. A chim bangin a tuah i vanmi nih a sinah, “Na thil i hruk law, ka zul,” tiah a ti. 9Cuticun a chuak i a zulh. Vanmi cawlcanghning cu a taktak si loin, langhnâk a hmumi ah â ruah. 10Vengtu ralkap hmasa le a changtu an lonh hnu ah, leng i chuahnâk ding thir kutkâ an phân, cucu amah tein an caah â ong, cun an chuak i lam pakhat an zulh i cuka ah vanmi nih a kaltâk. 11Peter cu a lung a fim i Bawipa nih a vanmi a thlah i Herod kut le Judah mipi hna an i ruahchanmi chungin a ka khamh tiah atu cu ka hngalhfian cang,” tiah a ti. 12A lung â fim hnuah, mi tampi nih thla an camnâk hmun Johan Marka nu innah a kal. 13Kutkâ innkhar timi kha Peter nih a hun kingh tikah, ngaknu pakhat, a min Roda timi cu ong dingin a va kal. 14Peter aw a si kha a theih tikah â lawmh tukah kutkâ ong loin a tli i Peter lengah a dir tiah a thanh hna. 15Annih nih, “Na hrut cang,” an rak ti. Anih nih, ‘a si ko ê’ tiah a ti peng. Annih nih, ‘a vanmi a si lai,’ tiah an ti ṭhân. 16Peter nih ngol loin a kingh i an on tikah amah cu an hmuh i an khuaruah a har ngai ngai. 17Dai te i um dingin a kut in a zauh hna, Pathian nih thongin chungin a hruainâk kong kha a chimh hna. “Hi bia hi Jeim le unau hna va chim hna u,” tiah a ti. Cun a chuak i ka dangah a kal. 18Cuticun khua a dei le cângkâ vengtu ralkap hna nih Peter umnâk an hngalh lo caah buai tak te in an buai. 19Herod nih a kawl len nain a hmu kho lo, a vengtu hna cu a chalh hna i thah awkah nawl a pêk hna. Cun Judia ram in Sisaria khua ah a kal i cuka ah sau nawn a um. 20Herod cu Tair le Sidon mi hna cungah a thin a hung ngai ngai, asinain annih nih Blastus siangpahrang chungkhar kilvengtu kha hawikawm ah an i ser i lungkhat tein a sinah an ra, zeicatiah an ram kha siangpahrang ramin rawl an pêk tawn caah remnâk tuah awkah an nawl. 21Cuticun an i biak chonhnâk ni ah, Herod cu siangpahrang puan i aih in siangpahrang ṭhutdanh ah a ṭhu i an sinah bia a chim. 22Mizapi nih, “Minung aw a si lo, pathian aw a si,” tiah ngol lo in an au. 23Pathian sinah thangṭhatnâk a pêk duh lo caah, hmakhat teah Bawipa vancungmi kut tuarin rulhut nih an ei i a thi. 24Pathian bia cu a ṭhang i a karh chin chin. 25Barnabas le Saul nih an rian an ṭuan dih in Jerusalem khua in an kir ṭhân i Johan Marka timi an i kalpi.
اکنون انتخاب شده:
ACT 12: HAKABSI
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
