但以理書 12
12
末日
1該著細麻紗个衫个天使講：#12:1 「該著…講：」希伯來文無這句話。「該時，保護你同胞个天使長米迦勒會出現。然後會有一站災難期間，係立國以來最大个災難。在該時期，你同胞中有名登記在生命冊个，全部會得到拯救。 2已經死掉个人有盡多會復活。有兜愛享受永遠个生命；有兜愛受永遠个羞辱。 3該兜聰明个領袖會像天頂个光體共樣發光。該兜教導盡多人行公義个，會像星仔共樣永遠發光。
4「但以理啊，你這下愛將這卷書合起來，封起來，一直到世界个末日。會有盡多人走來走去，想愛增加智識。」
5接等，𠊎 — 但以理看到兩個人，一個企在河壩這片，另外一個在河壩該片。 6其中一個問河壩較上頭、著細麻紗个衫个天使講：「這兜奇妙个事愛等幾久正會結束？」
7在河壩較上頭、著細麻紗个衫个天使擎起雙手，指向天頂，奉永生上帝个名發誓。𠊎聽到佢講：「愛經過一時期、兩時期、半時期 #12:7 「一時期…半時期」抑係譯做「三年半」。。上帝聖民所受个迫害結束个時，這兜事全部就實現了 #12:7 「上帝…實現了」抑係譯做「上帝聖民个勢力被人打碎个時，這兜事全部會結束」。。
8𠊎聽到佢講个話，總係毋明白係麼介意思。所以𠊎問：「𠊎个主啊，這兜事个結局係樣般呢？」
9佢講：「但以理啊，你好走了，因為這兜話愛囥等封起來直到末日。 10盡多人會受鍛鍊，變做清白純潔。壞人會繼續做壞事；佢等毋會明白，只有聰明个人正會明白。
11「自從逐日个獻祭受廢掉該日，也就係對安放該『毀滅性、邪惡个東西』開始，愛經過一千兩百九十日。 12該兜忠心等到一千三百三十五日个人，係樣般有福氣啊！
13「但以理啊，你好去了，愛忠心到底。以後你會安息；總係在末日你會復活，享受你个獎賞。」
اکنون انتخاب شده:
但以理書 12: THV12Hdb
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© The Bible Society in Taiwan, 2012
All rights reserved
© 台灣聖經公會版權所有 2012