何西阿書 1
1
1上主啟示備利个孻仔何西阿該站期間，烏西雅、約坦、亞哈斯、希西家接等做猶大國个王；以色列國係約華施个孻仔耶羅波安二世做王。下背个記載係上主向何西阿講个話。
何西阿个𡜵娘㧯子女
2上主第一擺通過何西阿向以色列人講話个時，佢對何西阿講：「你去結婚啊！你討个𡜵娘會對你無守貞節；你等个子女也會像姖恁樣對你無忠實 #1:2 「你去…無忠實」抑係譯做「你去討一個淫婦做𡜵娘，也收養該對淫亂所𫱔个子女」。。照樣，以色列全國上下㧯該淫婦共樣，盡行淫亂，離開𠊎 — 上主。」
3所以，何西阿去㧯滴拉音个妹仔歌蜜結婚。姖有身項，㧯何西阿𫱔一個孻仔。 4上主對何西阿講：「㧯佢安到耶斯列；因為無幾久𠊎就愛責罰耶戶个王室，討佢等祖先在耶斯列㓾人个血債 #1:4 參考列王紀下 9–10 。。𠊎愛結束以色列王國。 5該日，𠊎一定愛在耶斯列山壢毀滅以色列个軍隊。」
6 歌蜜又有身項，𫱔一個妹仔。上主㧯何西阿講：「㧯姖安到羅‧露哈瑪#1:6 「羅‧露哈瑪」希伯來文个意思係「無受到憐憫」。；因為𠊎絕對無愛再憐憫以色列這一家，無愛再赦免佢等。 7總係，𠊎愛痛惜猶大這一家。𠊎係上主，係佢等个上帝；𠊎愛拯救佢等；總係𠊎毋係用戰爭、弓箭、刀劍、軍馬、騎兵拯救佢等。」
8 歌蜜在厥妹仔羅‧露哈瑪斷乳後，又有身項，𫱔一個孻仔。 9上主㧯何西阿講：「㧯佢安到羅‧阿米#1:9 「羅‧阿米」希伯來文个意思係「毋係𠊎子民」。；因為以色列人毋係𠊎个子民，𠊎也毋係佢等个上帝。」
以色列个復興
10總係，以色列个人數愛增加，像海沙共樣無法度算，無法度量。原旦上帝在㖠位對佢等講：「你等毋係𠊎个子民」；有一日，佢也愛在該位對佢等講：「你等係永生上帝个子女。」 11猶大家㧯以色列家會聯合起來，為自家推選一個領袖。佢等會轉到自家个土地重新繁榮起來。耶斯列#1:11 「耶斯列」希伯來文个意思係「上帝委種」，表示長大、繁榮。个日仔確實會成做一個大日。
اکنون انتخاب شده:
何西阿書 1: THV12Hdb
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© The Bible Society in Taiwan, 2012
All rights reserved
© 台灣聖經公會版權所有 2012