Salmos 6
6
Itꞌéni Díos, jaha tsjinki̱tsani
Salmo kuènté David
1 #
Sal. 38:1. *Jaha, Itꞌéni Díos, chrókónínkakuénhñani,
chrókjui̱nchekjasótexínhñani ti kjuanínkaon kuèntá.
2Ti̱konoéhéni, Itꞌéni Díos,
kixin níhini.
Nchekito̱héni jína, Itꞌéni Díos, kixin ti huéso̱eni
la í chóntahya fuerza.
3Náxrjónhña itjen a̱séni.
Itꞌéni Díos, ¿xá hasta nkesá tsjínki̱tsani ínaá?
4Ikjan, Itꞌéni Díos, la tjinki̱tsani kixin tsꞌenhñani.
Nchekaáni kixin tjue̱héni.
5Kixin ti siín ti chojni tsíkꞌen la í kohya nkexro tsoxraxinkaon ti jaha.
¿Xá nkexro chrókjuikosáyehe ti jaha ti ó tsíxravá sin?
6Ó kjuixin kꞌóxrjéni, tsjánkani kixin tjotéheni.
Kaín tie tsjánkani ti ó tjetsínkani
hasta kjuátanxín nda̱koni ti nkehe tjetsínkatákꞌáni.
7Imá tjoté ikoni, la í tꞌikonxínhñani jína
kixin siín itsjé chojni nínkakohen ti jeheni.
8 #
Mt. 7:23; Lc. 13:27. *Sátjira jahara chojni tjenka̱yáxinhña jína,
kixin Itꞌéni Díos la ó kuíhin ti nkehe tjancheheni.
9Itꞌéni Díos la kuíhin chꞌan ti chrónoéhe̱ni chꞌan
la kuíhin chꞌan ti nkehe kjuanchiani.
10Chrókósuéhe̱ kaín ti sin nínkakohen ti jeheni la ko chróchrakon sin;
la tjoka sáchrokjui sin, chrókósuéhe̱ sin.
اکنون انتخاب شده:
Salmos 6: poeNTplus
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2016, Wycliffe Bible Translators, Inc. All rights reserved.