Salmos 126
126
Kjuínki̱tsa Díos kixin tso̱chéhe̱ni
1A̱ndá ti ó Itꞌéni Díos kjuajon kjuachaxin
kixin ti jeheni kuékꞌejóni ókjé chjasin,
xíkjani chjasin Jerusalén
ndá tíha éxi ijnko kotáchriéni kꞌuíkonxíni.
2A̱ndá ti ña̱o a la imá kjuanoni la ko itsjeni chéhe̱ni.
A̱ndá ti sin chónhña Díos la ndáchro sin:
“Ijnko kjuaxroan ijié kjua̱ko̱exín Díos ti sin a.”
3Méxra̱ chaxín Itꞌéni Díos mé kjua̱ko̱exín ti jeheni
nchónhña kjuaxroan ijié,
a̱ndá ijie la chéhe̱ni tjejóni ntihi.
4A̱ndá jaha Itꞌéni Díos, tjínki̱tsa tsokjani chjaséni
kixin jína chrókꞌuejóni,
éxi ti nte̱je̱ tóyoa ti tꞌániá ichrin, la náxrjón tsjehe
mé xi̱kaha chrókóhen ti jeheni.
5A̱ndá ti nkexro kꞌue̱nka̱, kjónté kjuaxróxinhña itjen, tsíkꞌóxrjé
la ti ó tsotjá la imá tso̱chéhe̱ kixin tsíkꞌónehe.
6Kjónté tsjánka la ko kjuaxróxinhña itjen
ti nkexro kꞌue̱nka̱
a̱ndá ti ó tsotjá la tso̱chéhe̱ la tsotsje
kixin tsji̱ka̱o ti nkehe tsíkꞌónehe.
اکنون انتخاب شده:
Salmos 126: poeNTplus
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2016, Wycliffe Bible Translators, Inc. All rights reserved.