Salmos 113
113
Díos la tjinki̱tsa ti sin nóa
1Tsjikosáyeheni ti Díos kuènténi.
Jahara chojni chꞌehéra Díos ixra̱,
tjikosayehéra Díos.
Tjikosayéxinra ti ihni̱é Díos.
2Tsjíkosáyehéra ti ihni̱é Díos
ijie la ko nkochríxín.
3Ti tji̱to̱nxin ña̱o ko hasta ti tjiatónxin ña̱o
chrókjuíkosáyexínra ihni̱é Itꞌéni Díos.
4Itꞌéni Díos mé tꞌe̱tue̱hen kaín ti chojni siín chjasintajni.
Ti kjuachaxin kuènté chꞌan la imá ijié itjen nkaya nka̱jní.
5¿Xá nkexro chrókóyóhe̱ ti Díos kuènténi?
Itjen Díos nka̱jní la ntiha tꞌe̱to̱axín chꞌan.
6Kjónté ntiha itjen Díos la tjetsjehe chꞌan nkuíxín,
la ko tꞌayakohen chꞌan nka̱jní la ko chjasintajni.
7Díos la tsjinki̱tsa kixin tsꞌinkatjen ti chojni nóa
la ko ti chojni chóntahya ninkehó
8kixin tsꞌejó sin ti tjejó ti sin tjetoan
la ko tsꞌejóko sin ti sin tꞌe̱to̱an chjasén sin.
9Ti chojnichjin chóntahya chájan
la ijie tso̱chéhe̱ sin kixin tsꞌóna sin ìñé xjan.
Kaíni chrókjuikosáyeheni Díos.
اکنون انتخاب شده:
Salmos 113: poeNTplus
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2016, Wycliffe Bible Translators, Inc. All rights reserved.