Salmos 47
47
Dios kuu rey ndiꞌi ñayiu ñuyiu
Yaa ni ka tee ndikin tata Coré
1Vi katu ndaꞌa maa ni, ñayiu ndiꞌi ñuu ja ka oo ñuyiu,
te vi saꞌa kaꞌnu ni ia Dios, te vi kana ni ja ka kusii ini ni.
2Chi ndiꞌi ñayiu ka yuꞌu niꞌnu Jitoꞌo, ia oo ndee sukun,
ia kuu rey kaꞌnu ndevaꞌa ndiꞌi ñayiu ñuyiu.
3Chi ni jaꞌnu ya ñayiu ñuu, te ni jani ña ya ja vi kotatnunio nui,
te ni saꞌa ya ñayiu ñuu naꞌnu ndee chii jaꞌo.
4Te ni kaji ya in nuu taa ya ja vi saꞌa jajion,
ja kuu in nuu luu ndevaꞌa kaa nuu ni oo ndi tata veluo Jacob, tee kutoo ya.
5Te vi ka kana ñayiu ja ka kusii ini vi ka tiui trompeta
nuu ni ndaa Jitoꞌo nuu mesa ja tatnuni ya.
6Vi kata ni, vi kata ni yaa nuu ia Dios, vi kata ni.
Vi kata ni yaa nuu ia kuu rey mao.
7Vi kata ni in yaa ja ka saꞌa kaꞌnu ni ya,
chi ia Dios kuu rey ndiꞌi ñayiu ñuyiu.
8Ni junkoo ia Dios nuu mesa ii nuu tatnuni ya.
Te tatnuni ya nuu ndiꞌi ñayiu ñuyiu.
9Te ni ka ndututu taka tee ka kuu naꞌnu nuu ñuyiu
jin ñayiu ñuu maa Dios, ia ni ochiñuꞌu ndi Abraham.
10Chi nuu ndaꞌa maa ia Dios oo tniuu ka ndiso ndiꞌi tee ka tatnuni nii ñuyiu,
te maa ya kuu ia kaꞌnu ndevaꞌa.
اکنون انتخاب شده:
Salmos 47: xtnNTplus
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2016, Wycliffe Bible Translators, Inc. All rights reserved.