I Têsalônik Klei Hưn Mdah
Klei Hưn Mdah
Ƀuôn Têsalônik jing sa boh ƀuôn akŏ hlăm ala ƀuôn ala mtao Rôm čar Masêđôn. Y-Pôl mkŏ mjing Sang Aê Diê anei tơdah leh ñu kbiă mơ̆ng ƀuôn Philip. Ƀiădah, kyua klei nač mơ̆ng phŭn kčưm mâo klei bi kdơ̆ng mơ̆ng phung Yuđa tơdah ƀuh Y-Pôl mâo klei dưi hlăm bruă klei mtô mblang klei mrâo mrang jăk kơ phung tue, kyua êlâo tinăn digơ̆ mâo leh ai mĭn khăp klei phung Yuđa đăo. Y-Pôl lui phung Têsalônik leh anăn nao kơ ƀuôn Ƀêrê. Leh tinăn tơdah êjai dôk ti ƀuôn Kôrantô, Y-Pôl hmư̆ klei mrâo mơ̆ng Y-Timôthê pô mă bruă mbĭt hŏng ñu hưn klei mâo kơ phung Sang Aê Diê ti ƀuôn Têsalônik.
Hră Tal Sa Y-Pôl mơĭt kơ phung đăo ti ƀuôn Têsalônik čih čiăng bi juh leh anăn bi êdah klă kơ klei đăo hŏng phung đăo tinei. Y-Pôl bi mni kơ Aê Diê kyua klei đăo leh anăn klei khăp digơ̆; Y-Pôl lŏ mtă kơ digơ̆ si klei dôk dơ̆ng ƀơ̆ng huă ñu tuôm bi êdah leh êjai ñu dôk mbĭt hŏng digơ̆, leh klei anăn, Y-Pôl lŏ wĭt lač klei digơ̆ êmuh čiăng thâo săng kơ klei Khua Yang srăng lŏ hriê: Sa čô pô đăo djiê êlâo kơ hruê Khua Yang lŏ hriê, si ngă dưi mâo klei hdĭp hlŏng lar mơ̆? Hbĭl Khua Yang lŏ hriê? Kyuanăn, Y-Pôl mtă kơ phung đăo tinei brei gĭr mă bruă hŏng ai tiê hơ̆k mơak êjai dôk guôn hruê Khua Yang giăm truh.
Jar
Klei hưn bi êdah (1:1)
Klei hdơr knga leh anăn klei bi mni (1:2–3:13)
Klei mtrŭt klei hdĭp đăo kơ Krist (4:1-12)
Dŭm klei mtô djŏ kơ klei Krist lŏ hriê (4:13–5:11)
Dŭm klei mtă mkăn (5:12-22)
Klah čŭn (5:23-28)
اکنون انتخاب شده:
I Têsalônik Klei Hưn Mdah: RAD2015
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2015 United Bible Societies. All rights reserved.