Salmo 128
128
No vahes no kapanganohed do Dios
1Masoyosoyot sa o manganohed kano masaray no Dios a sira so omonot do atavo a panyokoyokoran na. 2Manawob anti o machachita da a tomoroh so kaylangan da as masoyosoyot sa anti a mapia so kaviayan. 3No kakovot mo anti a mavakes am makontento do vahay nio. No kamanganakan nio sa am oyod sa anti a masaliwawa kano maheyet as an tiban mo sa do kayan da omdivon do lamisa am akma say vayo a ablak no kayo a olivo. 4Nawri o kaparin no kabendision no Dios dira do manganohed sia.
5Paypaypangayay na pa no kabendision dimo no Dios as kaparin mo pa makavoya sia o kasoyosoyotan kano kaydamnayan no Jerusalem do atavo awan no kaviay mo pa. 6Torohan na paymo so manaro a viay do tana aya tapian mavoya mo pa sa anti o inapo mo sa.
Karadinepan pa o mian do Israel!
اکنون انتخاب شده:
Salmo 128: VTSP
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2016, Wycliffe Bible Translators, Inc. All rights reserved.