KO SEFANAIA 2
2
Ko hano Fakakouna ‘e he Palōfitá ‘a e Kakaí ke Nau Fakatomala
1MOU sivi kimoutolu, ‘io, fai homou ‘eke‘i,
Si‘i pule‘anga ta‘emangoi;
2‘I he te‘eki ke a‘u ‘a e tu‘utu‘uni ki he fā‘ele,
Te‘eki ke nga‘unu mai ‘a e ‘aho hangē ha kafukafu,
Te‘eki ke a‘u hifo kiate kimoutolu ‘a e kakaha ‘o e tuputāmaki ‘a Sihova,
Te‘eki ke a‘u kiate kimoutolu ‘a e ‘aho ‘o e houhau ‘a Sihova,
3Vivili kia Sihova, ‘a e kau vaivai ‘o e fonua,
‘A kimoutolu kuo mou feia ‘ene konisitūtone;
Mou vivili ki he faitotonu,
Mou vivili ki he anga vaivai:
Hei‘ilo ‘e fufū kimoutolu ‘i he ‘aho ‘o e houhau ‘a Sihova.
Ko Hono Fakamāumatea ‘o e ngaahi Pule‘anga Kaungā‘api ‘o ‘Isileli
4He ko Kesa ē ‘e li‘aki, pea ‘e hoko ‘a ‘Asikeloni ko e lala: te nau kapusi ‘a e kakai ‘o ‘Asitoti ho‘atā,#2.4 ho‘atā; pe ‘i ha‘anau ‘ohofi ho‘atā mālie; pe ‘i ha vaeua ‘o ha ‘aho. pea ko ‘Ekiloni ‘e ta‘aki fu‘u.#‘Ais 14.29-31; Sel 47.1-7; ‘Isi 25.15-17; Sioelí 3.4-8; ‘Ēmosi 1.6-8; Sāk 9.5-7 5‘Oiauē ‘a e nofo he feitu‘u ki tahi, ‘a e kakai Kēleti! Ko e folofola ‘a Sihova ‘oku sio kovi kiate kimoutolu, si‘i Kēnani, fonua ‘o e kau Filisitia; tala atu te u faka‘auha koe, ke ‘oua na‘a ai ha taha ‘e nofo ai. 6Pea ‘e hoko ‘a e feitu‘u ki tahi ko e ngaahi kaikai‘anga, ko e ngaahi ‘ana#2.6 Ko e fakamahalo pē. ‘Oku ‘ikai ‘ilo pau ‘a e ‘uhinga ‘o e lea. ‘o e kau tauhi manu, mo e koto loto‘ā sipi. 7Pea ‘e hoko ‘a e feitu‘u ko e me‘a ma‘a e toenga ‘o e fale ‘o Siuta; te nau fai ai ‘enau fanga manu: ko e ngaahi fale ‘o ‘Asikeloni te nau tokoto ai po‘uli; he ko Sihova ko honau ‘Otua te ne ‘a‘ahi kiate kinautolu, ‘o fakafoki ‘enau pōpula.
8Kuo u ongo‘i ‘a e manuki ‘a Moape, pea mo e tālalakulaku ‘a ha‘a ‘Āmoni, ‘a ia kuo nau fakalielia‘i ‘aki hoku kakai, mo pā‘usi‘i honau kau‘ā.#‘Ais 15.1–16.14; 25.10-11; Sel 48.1–49.6; ‘Isi 21.28-32; 25.1-11; ‘Ēmosi 1.13-15 9Ko ia–tangi ‘eku mo‘ui–ko Sihova Sāpaoti ia mei he Ta‘ehāmai, ko e ‘Otua ‘o ‘Isileli–tala atu, ko Moape te ne hoko ke hangē ko Sōtoma, mo ha‘a ‘Āmoni ke hangē ko Komola, ko e potu kuo ma‘u ‘e he talatala, mo e ngaahi tokanga māsima, pea ko e koto lala ‘o ta‘engata; ko e toenga ‘o hoku kakai te nau vete kinautolu, ‘io, ko e toetoe ‘o hoku pule‘anga te nau tofi‘a ‘aki kinautolu.#Sēn 19.24
10Te nau ma‘u ena ko e nunu‘a ‘o ‘enau fielahi, koe‘uhi na‘a nau manuki mo fai fakamofutofuta ki he kakai ‘o Sihova Sāpaoti. 11Ko e koto fakailifia ‘a Sihova kiate kinautolu; he te ne fakatutue ‘a e ngaahi ‘otua kotoa pē ‘o e fonua; pea ‘e fai ‘a e lotu kiate ia ‘e he ngaahi apataki#2.11 pe matāfonua. ‘o e ngaahi pule‘anga, takitaha mei hono feitu‘u.
12Na‘a mo kimoutolu ‘a e kau Kusa#2.12 Kusa; Ko ‘Itiopea ia (Vakai ki he “Ngaahi Huluhulu”). –ko e mate ‘i he‘eku heletā ‘a e fa‘ahinga ko ia.#‘Ais 18.1-7
13Pea te ne mafao atu hono nima ki he tokelau, ‘o faka‘auha ‘a ‘Āsilia; pea te ne ngaohi ‘a Ninive ko e lala, ko e potu honge vai, hangē ko e toafa.#‘Ais 10.5-34; 14.24-27; Nēhu 1.1–3.19 14Pea ‘e tokoto ‘i loto kolo ‘ani ngaahi tākanga, ‘io, ‘a e manu kehekehe hangē ha fu‘u kakai: na‘a mo e pelikani mo e lupe ‘o e lala te nau mohe ‘i he teuteu ‘o hono ngaahi funga pou: ‘e ongoonga‘a mai ‘a e fuiva#2.14 ‘Oku ‘ikai ‘ilo ‘o e manupuna ‘oku lau ki ai. mei he tupa; ko e lēveni#2.14 lēveni: ‘Oku pehē ‘a hono fakalea ‘i he ngaaahi hiki fuoloa ‘e ni‘ihi, ka ko hono faka-Hepeluú ko e: koto lala. ē ‘i hū‘anga: seuke kuo hā kitu‘a ‘a e ‘aofi sita.
15Tokua ko eni ‘a e kolo na‘e pātapata,
Na‘e nofo falala noa,
Na‘e lau ‘i hono loto, Ko au pē;
Pea ‘oku ‘ikai mo ha taha.
Uokeuoke, si‘ene hoko ko e lala,
Ko e tokoto‘anga ‘o e fanga manu!
Ko ia fua pē ‘oku laka ange ai ‘oku ne faka‘ise‘isa;
‘Oku ne taukae ‘aki hono nima.
اکنون انتخاب شده:
KO SEFANAIA 2: TMB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Tongan Moulton Bible © Bible Society of the South Pacific, 2011.