KO SĀKALAIA 7
7
Ko Hano Valoki‘i ‘e Sihova ‘a e ‘Aukai Loí
1TOKUA ‘i hono fā ta‘u ‘o Kingi Talaiasi, na‘e hoko ‘a e folofola ‘a Sihova kia Sākalaia ‘i hono ‘aho fā ‘o e māhina ko hono hiva, ‘a Kisileu.
2He kuo fekau ‘e Pēteli ‘a Sālesa mo Lēkemi-Mēleki, mo ‘enau kau tangata, ke fakahōifua ‘a e fofonga ‘o Sihova: 3ke lea foki ki he kau taula‘eiki ‘oku ‘i he fale ‘o Sihova Sāpaoti, pea ki he kau palōfita, ‘o pehē, Te u fai ha tangi koā ‘i hono nima ‘o e māhina, ‘o mo‘ui faka‘ehi‘ehi, ‘o hangē ko ‘eku fai ‘i he ngaahi ta‘u ni–ko futu?
4Toki hoko ‘a e folofola ‘a Sihova Sāpaoti kiate au, ‘o pehē, Lea ki he kakai kotoa ‘o e fonua, pea ki he kau taula‘eiki, ‘o pehē, 5Ko ho‘omou ‘aukai mo tangilāulau ‘i hono nima mo hono fitu ‘o e māhina, ‘o fitungofulu‘i ta‘u mālō, na‘a mou momo‘i ‘aukai kiate au, ‘a Au? 6Pea ko ho‘omou kai, mo ho‘omou inu, ‘ikai ‘oku mou kai ko kimoutolu, pea inu ko kimoutolu?
7‘Ikai na‘a mou mei tokanga ki he ngaahi tala na‘e fanongonongo ‘e Sihova, ‘o fakafai ‘i he‘ene kau palōfita mu‘a, lolotonga na‘e kei nofo‘ia ‘a Selusalema, mo tu‘umālie pea pehē mo hono ngaahi kolo takatakai, pea na‘e nofo‘ia ‘a e feitu‘u ko Tonga mo e Sēfela‘a?
Ko e talangata‘á, Tupu‘anga ‘o e Fakaheé
8Pea na‘e hoko ‘a e folofola ‘a Sihova kia Sākalaia, ‘o pehē, Ko e folofola eni ‘a Sihova Sāpaoti, ke fakahā; 9Mou fai ‘a e fakamaau totonu, pea feia ha ‘ofa mo ha faka‘atu‘i takitaha ki hono kāinga. 10Pea ‘oua ‘e fakamālohia ‘a e uitou, mo e tamai mate, ‘a e ‘āunofo, mo e vaivai; pea ‘oua ‘e fakakaukau‘i ‘e homou loto ha kovi ke fai ki ha taha, he ko hono kāinga ia.
11Ka na‘e ‘ikai te nau loto ke tokanga, pea nau faka-uma-mamahi, ‘o fakatelingatuli, ke ‘oua te nau ongo‘i. 12‘Io, na‘a nau ngaohi honau loto ke ‘atamani,#7.12 ‘Oku toe hiki: ke taiāmoni. Ko e ‘atamaní ko e maka fefeka ‘i he fefeka ange fau. ke ‘oua te nau ongo‘i ‘a e lao mo e ngaahi tala na‘e fekau mai ‘e Sihova Sāpaoti ‘i hono Laumālie, ‘o fakafai ‘i he kau palōfita mu‘a: ko ia, na‘e tō mai ha houhau lahi meia Sihova Sāpaoti. 13Ko ia, kuo hoko ai–hangē na‘a ne ui, ka na‘e ‘ikai te nau tali; pehē te nau ui, ka ‘e ‘ikai te u tali–ko e folofola ia ‘a Sihova Sāpaoti. 14Pea te u punakaki kinautolu ‘aki ha afā ki he ngaahi pule‘anga kehekehe ‘a ia na‘e ‘ikai te nau ‘ilo ki ai. Ko ia na‘e fakalala ‘a e fonua hili ‘enau ‘alu, ‘o ‘ikai ha laka atu mo foki; ‘io, na‘a nau ngaohi ‘a e fonua mamana ko e lala.
اکنون انتخاب شده:
KO SĀKALAIA 7: TMB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Tongan Moulton Bible © Bible Society of the South Pacific, 2011.