KO SĀKALAIA 5
5
1PEA U toe hanga hake, ‘o fakasio, pea tā ko e lau‘i#5.1 pe takainga. tohi ena ‘oku puna atu. 2Pea ne folofola mai kiate au, Ko e hā ‘oku ke sio ni ki ai?
Pea u tali, ‘Oku ou sio ni ki ha lau‘i tohi ‘oku puna atu; ko hono lōloa ko e kiupite ‘e uofulu, pea ko hono māukupu ko e kiupite ‘e hongofulu.
3Pea ne folofola mai, Ko e mala ena ‘oku ‘alu atu ki he funga ‘o e fonua kātoa; he ko e kau kaiha‘a kotoa ‘e tata mei he potu ‘e taha, ‘o hangē ko e me‘a ‘oku tu‘u ‘i he tohi; pea ko e kau fuakava ‘e tata mei he potu ‘e taha, ‘o taau mo e me‘a ‘oku tu‘u ai. 4Kuo u fakahū ia ki tu‘a–ko Sihova Sāpaoti ia mei he Ta‘ehāmai–pea te ne hū ki he fale ‘o e kaiha‘a, pea ki he fale ‘o ia ‘oku fuakava ‘i hoku hingoa ke kākā; pea te ne ‘apitanga ‘i he loto fale, pea te ne keina ia, ‘a hono ‘akau mo hono maka fakatou‘osi.
Ko ha Vīsone ki ha Fefine ‘Oku Nofo ‘i ha Loto Kato
5Toki hū kitu‘a ‘a e ‘āngelo na‘e lea ‘iate au, ‘o ne folofola mai, Tāngaki hake mu‘a ho mata, ‘o fakasio atu, pe ko e hā ena ‘oku ‘alu atu.
6Pea u pehē, Ko e hā fua ia? Pea ne tali, Ko e efa ena ‘oku ‘alu atu. Na‘a ne pehē foki, Ko honau fakatātā#5.6 pe tuha; pe sīpinga. ia ‘i he fonua kotoa.#5.6 Ko honau… kotoa: ‘Oku pehē ‘i he ngaahi hiki fuoloa ‘e ni‘ihi: ko e faka‘ilonga ia ‘o e angahala ‘a e fonuá kotoa, ka ‘oku pehē ‘i he faka-Hepeluú: ko e faka‘ilonga ia ‘o e mata ‘o e fonuá kotoa. 7Pea tā ko e lau‘i pulu fakasiakale#5.7 ‘Oku toe hiki: taleniti pulu. ena na‘e tāngaki hake; pea ko ena ha taha‘i fefine ‘oku nofo ‘i he loto efa.
8Pea ne folofola mai, Ko Pau‘u ia; pea ne ha‘aki ‘a e fefine ki he loto efa, pea ne ha‘aki ‘a e pulu fakamamafa ki he ngutu‘i fua. 9Pea u hanga hake, ‘o fakasio, pea tā ko e ongo fafine ‘ena na‘e hū ki tu‘a, pea na‘e fa‘olaki ‘a e matangi ‘i hona kapakau; pea na‘a na ma‘u kapakau ‘o hangē ko e kapakau ‘o e sitoaki; pea na‘a na to‘o hake ‘a e efa ki he vaha‘a ‘o e langi mo māmani.
10Pea u fakatau folofola ki he ‘āngelo na‘e lea ‘iate au, Ko e fakahā‘ele ki fē ‘a e efa ‘e he fa‘ahinga na?
11Pea ne folofola mai, ko e fai ke langa hano fale ‘i he fonua ‘o Saina; pea ‘e fokotu‘u ‘a e fale, pea ‘e fakamālōlō ‘a e fefine ‘i he potu ko ia ‘i hono tu‘unga ‘o‘ona.
اکنون انتخاب شده:
KO SĀKALAIA 5: TMB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Tongan Moulton Bible © Bible Society of the South Pacific, 2011.