KO SĀKALAIA 13
13
1‘I HE taimi ko ia ‘e fakaava ha matavai ki he fale ‘o Tēvita, mo e nofo Selusalema, ki he angahala mo e fakalielia. 2Pea ka hoko ‘a e taimi ko ia–ko Sihova Sāpaoti eni mei he Ta‘ehāmai–te u tu‘usi ‘a e ngaahi hingoa ‘o e ngaahi ‘aitoli mei he fonua, pea ‘e ‘ikai kei manatua kinautolu; pea te u ‘ai ke hiki mei he fonua ‘a e kau palōfita mo e laumālie ta‘ema‘a. 3Pea ka ‘iloange ‘e toe fai ha palofisai ‘e ha taha, ‘e lea ki ai ‘e he‘ene tamai mo ‘ene fa‘ē, ‘a e ongo me‘a na‘e fanau‘i ia, ‘o pehē, ‘Oku ‘ikai totonu ke ke mo‘ui; he kuo ke lea loi ‘i he huafa ‘o Sihova; pea ko ‘ene tamai mo ‘ene fa‘ē, ‘a e ongo me‘a na‘e fanau‘i ia, te na tui‘i ia ‘i he‘ene fai palofisai. 4Pea ka hoko ‘a e taimi ko ia, ‘e maa‘i ‘a e palōfita takitaha ‘ene vīsone ‘i he‘ene fai palofisai; pea ‘e ‘ikai te nau ‘ai ha kofu fulufulua ke kākā. 5Ka te ne pehē, ‘Oku ‘ikai ko e palōfita au: ko e motu‘a fa‘a au: he na‘e fakatau au ‘e ha tangata ‘i he‘eku talavou, ‘o talu ai pē. 6Pea kapau ‘e pehē ‘e ha taha kiate ia, Ko e hā tū ‘a e ngaahi lavea na ‘i he vaha‘a ‘o ho ongo nima, te ne tali, Ko hoku taa‘i ia ‘i he fale ‘o hoku kau ‘ofa‘anga.
Ko e Fekau ke Tāmate‘i ‘a e Tauhi Sipi ‘a e ‘Otuá
7Heletā ē, ofo hake ke fai mo hoku tauhi, pea ki he helo ko hoto takaua–ko Sihova Sāpaoti ia mei he Ta‘ehāmai–taa‘i ‘a e tauhi,#13.7 tauhí; Vakai ki he 11.4. kae movete ‘a e tākanga; pea ‘e toe ala hoku nima ki he fanga ‘uhiki.#Māt 26.31; Ma‘ake 14.27 8Pea ‘e hoko ‘o pehē ‘i he fonua kotoa–ko Sihova ia mei he ta‘ehāmai–ko hono vahe ‘e ua ‘e tu‘usi ‘o mate; ka ko hono vahetolu ‘e toe ai. 9Pea ko hono vahetolu ko ia, te u fakahū ki he afi, pea te u fakama‘a kinautolu hangē ko e fakama‘a siliva; pea te u sivi kinautolu, hangē ko e sivi ‘o e koula: ‘e tautapa ia ki hoku hingoa, pea te u tali ia ‘e au; te u pehē, Ko hoku kakai ia; pea ‘e pehē ‘e ia, Ko Sihova ko hoku ‘Otua.
اکنون انتخاب شده:
KO SĀKALAIA 13: TMB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Tongan Moulton Bible © Bible Society of the South Pacific, 2011.