KO SĀKALAIA 10
10
Ko e Tala‘ofa ‘a Sihova ‘e Fakahaofi ‘a e Kakaí
1MOU kole ‘uha kia Sihova ‘i Vaimui, ‘a Sihova ‘oku ne ngaohi ‘a e ‘uhila; pea te ne ‘ange kiate kinautolu ‘a e tu‘umotō, ke ma‘u takitaha ha mohuku ‘i he vao. 2Tala atu, ne launoa pē ‘a e ngaahi telāfimi, pea ko e kau tongafisi na‘a nau sio vīsone kākā; pea ‘oku nau tala misi loi, ko e muna pē ‘enau fakalelu: ko hono ō ia kuo nau hē holo hangē ha tākanga; ‘oku nau tu‘utāmaki ko e ‘ikai ha tauhi.
3Kuo tafunaki ‘eku ‘ita ki he kau tauhi, pea te u ‘a‘ahi ki he kau kosi tangata ke tautea: he kuo ‘a‘ahi ‘a Sihova Sāpaoti ki hono tākanga, ‘a e fale ‘o Siuta, pea te ne ngaohi kinautolu ke hangē ko ‘ene hoosi kuo lāngilangi‘ia hono teu he‘ene ‘alu ki he tau. 4‘Oku meiate ia ‘a e makatuliki, ‘oku meiate ia ‘a e fa‘o, ‘oku meiate ia ‘a e kaufana tau, ‘oku meiate ia ‘a e ‘alu atu ‘a e fakaehaua fua pē–‘a e ngaahi me‘a kātokatoa.#10.4 ‘Oku meiate ia… kātokatoa; pe ‘E mavahe fakataha kotoa mei Siuta ‘a e kau fakaaoaó–‘a e kau takí, mo e kau pulé, mo e kau ‘eikitaú. 5Pea te nau hangē ha kau helo, he‘enau malaki ē, hangē#10.5 pe ‘i he pela. ko e pela ‘o e hala ‘i he fai ‘o e tau; pea te nau tau, he ‘oku kau ‘a Sihova mo kinautolu: pea ‘e fakamaa‘i ‘a e tau heka hoosi. 6Pea te u fakakaukaua ‘a e fale ‘o Siuta, pea te u fakamo‘ui ‘a e fale ‘o Siosifa, pea te u ‘omi ke nau nofo; he te u ‘ofa kiate kinautolu; pea te nau hangē kuo ‘ikai te u li‘aki kinautolu; he ko Sihova au ko honau ‘Otua, pea te u tali kinautolu. 7Pea ‘e hangē ko e helo ‘a ‘Ifalemi, pea ‘e fiefia honau loto ‘o hangē kuo inu uaine; pea ‘e sio ki ai ‘e he‘enau fānau, ‘o nau fiefia; ‘e tome‘e honau loto ‘ia Sihova. 8Te u tupulū kiate kinautolu, pea te u tānaki kinautolu; he kuo u huhu‘i kinautolu; pea te nau tupu ‘o hangē ko ‘enau tupu ko ē. 9Pea te u tūtuu‘i kinautolu ‘i he ngaahi kakai; pea ‘i he‘enau ‘i he ngaahi potu mama‘o te nau manatu kiate au, pea te nau mo‘ui, pea pehē mo ‘enau fānau; pea te nau foki. 10Pea te u fakafoki kinautolu mei ‘Isipite, pea te u tānaki kinautolu mei ‘Āsilia; pea te u ‘omi kinautolu ki he fonua ‘o Kiliati mo Lepanoni: pea ‘e ‘ikai te nau hao ai. 11Pea te ne hā‘ele atu ‘i he tahi, ‘a e me‘a na‘e faka‘efihi, pea te ne taa‘i ‘a e ngaahi ngalu ‘i he tahi, pea ko e ngaahi loloto ‘o Naila ‘e fakamātu‘u: pea ‘e pe‘ehi ‘a e fielahi ‘a ‘Āsilia, pea ko e sēpita ‘a ‘Isipite ‘e mole. 12Pea te u fakakaukaua kinautolu ‘ia Sihova; pea te nau fe‘alu‘aki ‘i hono huafa–ko Sihova ia mei he Ta‘ehāmai.
اکنون انتخاب شده:
KO SĀKALAIA 10: TMB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Tongan Moulton Bible © Bible Society of the South Pacific, 2011.