Ma‘aké Ko e Talateu
Ko e Talateu
Ko e Kosipeli ‘a Ma‘aké ‘oku kamata‘aki ‘a e pehē, “Ko e kamata‘anga ‘o e ongoongolelei ‘o Sīsū Kalaisi, ko e ‘Alo ‘o e ‘Otuá.” ‘Oku fakahaa‘i heni ‘a Sīsū ko e tangata ngāue tōtōivi mo ma‘u mafai. Na‘e hā hono mafaí ‘i he‘ene faiakó, mo ‘ene pule‘i e ngaahi laumālie ‘ulí, pea mo ‘ene fakamolemole angahalá. Na‘e ui ‘e Sīsū ia ko e Foha ‘o e Tangata, ‘a ia na‘e hoko mai ke foaki ‘ene mo‘uí ko hono vete ange ‘a e kakaí mei he‘enau angahalá.
Ko e fakamatala ‘a Ma‘ake kia Sīsuú ‘oku mahinongofua, pea ‘oku hoko ‘a e talanoa mālie ki he talanoa mālie, ko ‘ene fakamamafa‘i lahi ange ‘a e ngaahi me‘a na‘e fai ‘e Sīsuú ‘i he‘ene ngaahi me‘a na‘e faiako mo fakahinohino ‘akí. Hili pē ‘a e ki‘i talateu ‘aki ‘a e malanga ‘a Sione Papitaisó, mo e papitaiso mo e sivi‘i ‘o Sīsuú, ne hoko atu leva ‘a e fa‘u tohí ia ki he fakamo‘ui mahaki mo e akonaki ‘a Sīsuú. Na‘e faifai pea kamata ke mahino ange ki he kau ako ‘a Sīsuú ‘a ia, kae fakautuutu ‘a e fakafepaki ki ai ‘a hono ngaahi filí. Ko e ngaahi vahe kimui ‘o e tohí, ko e fakamatala ia ki he ngaahi me‘a na‘e hoko ‘i he uike faka‘osi ‘o e nofo ‘a Sīsū ‘i māmaní, ‘o tautefito ki hono kalusefaí mo ‘ene toetu‘ú.
‘Oku tui ‘a e kau vete Tohitapu meimei hono kotoa pē ko e ongo konga faka‘osi ‘o e Kōsipelí, ‘a ia ‘oku ha‘i mei muí, ko e hiki ‘e he tokotaha kehe kae ‘ikai ko Ma‘ake.
Ko e Kakano ‘o e Tohí
Ko e kamata‘anga ‘o e Kōsipeli ‘a Ma‘aké (1.1-13)
Ko e ngāue ‘a Sīsū ki he kakaí ‘i Kāleli (1.14–9.50)
Ko e fononga ‘a Sīsū mei Kāleli ki Selusalema (10.1-52)
Ko e uike faka‘osí mo e hā‘ele ‘a Sīsū ki Selusalema (11.1–15.47)
Ko e toetu‘u ‘a Sīsuú (16.1-8)
Ko e hāhā holo mo e hā‘ele hake ‘a e ‘Eiki Toetu‘ú (16.9-20)
اکنون انتخاب شده:
Ma‘aké Ko e Talateu: TMB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Tongan Moulton Bible © Bible Society of the South Pacific, 2011.