Luké Ko e Talateu
Ko e Talateu
‘Oku fakatou fakafōtunga‘i mai ‘a Sīsū ‘i he Kosipeli ‘a Luké ko e Fakamo‘ui ia ‘o ‘Isileli na‘e tala‘ofá pea mo e Fakamo‘ui ‘o ha‘a tangata kotoa pē. ‘Oku hiki ‘e Luke ‘a e pehē na‘e ui ‘e he Laumālie ‘o e ‘Eikí‘a Sīsū ke ne “malanga ‘aki ‘a e Ongoongoleleíki he masivá”, pea ko e Kōsipeli ko ení‘oku fonu ‘i he ‘ofa ki he kakai kotoa pē mo ‘enau ngaahi masiva‘anga kehekehe kotoa pē. ‘Oku ‘ilonga mo e le‘o ‘o e fiefia ‘ia Luke, ‘o tautefito ki he ngaahi vahe ki mu‘a ‘o e tohí, ‘a ia ‘oku fakahā mai ai ‘a e anga ‘o e hoko mai ‘a Sīsuú, pea pehē ai pē ki he konga ki mui ‘o e tohí, ‘a ia ‘oku hā ai ‘a e hā‘ele hake ‘a Sīsū ki he langí. Ko e fakamatala ki he tupulekina mo e mafola ‘a e lotu faka-Kalisitiané ‘i he hili ‘a e hā‘ele hake ‘a Sīsuú, ‘oku fai ia ‘i he Tohi Ngāué ‘e he fa‘utohi tatau pē.
‘Oku ‘i ai e ongo konga ‘e ua ‘o Luke (ko e vahe 2-6 mo e 9-19) ‘oku ngata pē ‘i he Kōsipeli ko ení‘a e ngaahi fakamatala lahi ‘oku ‘asi ai, ‘o hangē ko e ngaahi talanoa ‘o kau ki he hiva ‘a e kau ‘āngeló mo e kau tauhi sipí‘i he‘enau ‘a‘ahi kia Sīsū ‘i hono ‘alo‘i maí, mo e talanoa ki he tamasi‘i ko Sīsū ‘i he Temipalé, mo e talanoa fakatātā ki he Samaletani Leleí, mo e Foha na‘e Molé. ‘Oku fakamamafa‘i lahi ‘i he Kōsipelíni ‘a e lotu huú, mo e Laumālie Mā‘oni‘oní, mo e ngafa ‘o fafine ‘i he ngāue ‘a Sīsuú, mo e fakamolemole angahala ‘a e ‘Otuá.
Ko e Kakano ‘o e Tohí
Talateu (1.1-4)
Ko hono ‘alo‘i mai ‘o Sīsuú mo ‘ene kei tamasi‘ípea mo hono fā‘ele‘i ‘o Sione Papitaisó mo ‘ene kei tamasi‘í (1.5–2.52)
Ko e ngāue ‘a Sione Papitaisó (3.1-20)
Ko hono papitaiso mo hono sivi‘i ‘o Sīsū (3.21–4.13)
Ko e ngāue ‘a Sīsū ki he kakaí‘i Kāleli (4.14–9.50)
Ko e fononga ‘a Sīsū mei Kāleli ki Selusalema (9.51–19.27)
Ko e uike faka‘osímo e hā‘ele ‘a Sīsū ki Selusalema (19.28–23.56)
Ko e toetu‘u, mo e hāhā holo, mo e hā‘ele hake ‘a e ‘Eikí (24.1-53)
اکنون انتخاب شده:
Luké Ko e Talateu: TMB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Tongan Moulton Bible © Bible Society of the South Pacific, 2011.