Salmo 13
13
Salmo 13
Para sa direktor ng mga mang-aawit: Awit na isinulat ni David.
1Hanggang kailan Panginoon?
Habambuhay ba ninyo akong kalilimutan?
Hanggang kailan ninyo ako tatalikuran?
2Hanggang kailan ko dadalhin
itong aking mga pangamba?
Ang kalungkutan sa puso ko, kailan ito mawawala?
Hanggang kailan ba ako matatalo
ng aking mga kaaway?
3 Panginoon kong Diyos,
bigyan nʼyo ako ng pansin;
sagutin nʼyo ang aking dalangin.
Ibalik po ninyo ang ningning
sa aking mga mata,
upang hindi ako mamatay
4at upang hindi masabi ng aking mga kaaway
na natalo nila ako,
sapagkat tiyak na silaʼy magagalak
kung akoʼy mapahamak.
5 Panginoon, naniniwala po ako
na akoʼy inyong mahal.
Nagagalak ang puso ko
dahil sa pagliligtas ninyo.
6 Panginoon, aawitan kita
dahil napakabuti nʼyo sa akin
mula pa noon.
اکنون انتخاب شده:
Salmo 13: ASD
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Biblica® Open Ang Salita ng Diyos™
Karapatang-sipi © 2009, 2011, 2014, 2025 ng Biblica, Inc.
Biblica® Open Tagalog Contemporary Bible™
Copyright © 2009, 2011, 2014, 2025 by Biblica, Inc.
Ang “Biblica” ay ang tatak-pangkalakal na nakarehistro sa Biblica, Inc. sa United States Patent at Trademark Office.
Ginamit nang may pahintulot.
“Biblica” is a trademark registered in the United States Patent and Trademark Office by Biblica, Inc.
Used with permission.