Daa 33
33
Yakɔbu wɛsia Esaulɛ ń ń kɛ̃akɔ̃wao
1Kɛ́ Yakɔbu wɛzù, a è Esau lɛ́ mɔ́ ń gbɛ̃ɔn ɔaa plaɔ. À a nɛɔ kpaalɛ̀ a naɔnɛ ń a nɔ mɛn pla pɔ i mɛsɛdilɛnɛ́oɔ. 2Ɔ̃ à a nɔ pɔ i mɛsɛdilɛnɛ́opiɔ gbàɛ aa dɔaa ń ń nɛɔ. Bee gbɛa Lea ń a nɛɔ, ɔ̃ Lasɛli ń Yosɛfuo tɛ ń kpɛ. 3Ɔ̃ à gɛ̃̀má à dɔ̀aanɛ́, à kùlɛ tɔɔlɛ gɛ̃n sopla e à gɛ̀ kàò a vĩipi kĩi. 4Ɔ̃ Esau baalɛ̀, à mɔ̀ dàaalɛ, à kùsiwà, à ɔdà aà gãu à lɛpɛ̀wà, ɔ̃ aa ɔɔlɔ̀. 5Kɛ́ Esau wɛzù, à nɔɛɔ ń nɛɔ è, ɔ̃ à mɛ̀: Deɔ mɛ́ kunnɔ wei? Yakɔbu wèwà à mɛ̀: Nɛ pɔ Lua ma gbaɔnɛ. 6Ɔ̃ nɔ pɔ i mɛsɛdilɛnɛ́opiɔ sɔ̃̀ńzi ń ń nɛɔ, aa kùlɛ. 7Ɔ̃ Lea ń a nɛɔ sɔ̃̀ńzi sɔ̃, aa kùlɛ. Bee gbɛa Yosɛfu ń Lasɛlio sɔ̃̀ńzi aa kùlɛ. 8Esau mɛ̀: Bɔ́ nlɛ kɛ ń pɔ pɔ ma dańlɛɔi? Yakɔbu wèwà à mɛ̀: Kɛ́ ma yã e kangu yãiɛ. 9Esau mɛ̀: Ma gbɛ̃́, ma pɔɔ mɔ̀a, ǹyɔ̃ n pɔɔ kũa. 10Ɔ̃ Yakɔbu mɛ̀: Aawo! N yã na! Tó ma yã kànguɛ, ma gba sí, asa wá wɛsiakɔ̃lɛ kɛ̀mɛɛ lan wɛsiakɔ̃lɛ ń Luaowaɛ, ɔ̃ n gbãakpàmazi. 11Gba pɔ má dànɛ si sa, asa Lua ɛfãaikɛ̀mɛɛ, pɔe i kɛ̃sãao. Lá à nàɛwà màa, ɔ̃ a sì.
12Ɔ̃ Esau mɛ̀: Wà da zɛ́u wà tá. Má dɔaanɛ. 13Ɔ̃ a wèwà à mɛ̀: Baa, ń dɔ̃ kɛ́ nɛɔ yã zĩ'ũ, mɛ́ má sã ń zù yɔ̃minaɔ vĩ. Tó wa ta gbãa ò gɔɔ do, pɔɔ gaga piiɛ. 14Dɔaamɛɛ Baa, mapi n zɔblena, míɔ tɛ pɔɔ kpɛ ń nɛɔ busɛbusɛ e mà mɔ mà n le Sei. 15Esau mɛ̀: Má a gbɛ̃eɔ tonnɔ. Yakɔbu mɛ̀: Bɔyãi ni? N yã na Baa. 16Zĩ́ bee Esau dà Sei zɛ́u. 17Ɔ̃ Yakɔbu gɛ̀ Suko. À bɛkpà we mɛ́ à lakpɛɔ dɔ̀ pɔɔnɛ. Ayãmɛto wà tɔkpà gupiɛ Suko.#33.17 Bee mɛ̀ lakpɛɔ
18Kɛ́ Yakɔbu sù ń Mɛsɔpɔtamio, à kà wɛ̃lɛ pɔ wì mɛ Sikɛũ, Kanaa busuu aafia, ɔ̃ à bookpà wɛ̃lɛpi saɛ. 19À a bookpakĩi lù Sikɛũ mae Hamɔɔ nɛɔwa ãnusu ɔwatɛ̃ basɔo.#Yoz 24.32; Zãa 4.5 20Wekĩi à sa'okĩi bòu, à tɔkpàɛ̀ Lua Isaili Lua.
اکنون انتخاب شده:
Daa 33: Boo2024
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Boko Bible © SIM International, 2024.