Daa 32
32
1Labã fɛ̀lɛ kɔɔkɔɔ, à lɛzà a tɔũnaɔwa ń a nɛɔ, à samaa'ònɛ́, ɔ̃ à ɛ̀a tà a bɛ.
Yakɔbu gbɛ̃́ɔ zĩa Esauwa
2Yakɔbu dà zɛ́u, ɔ̃ Lua malaikaɔ dàaalɛ. 3Kɛ́ à ń é à mɛ̀: Lua bòon kɛ. Ɔ̃ à tɔkpà gupiɛ Maanaiũ.#32.3 Bee mɛ̀ bòo mɛn pla 4À gbɛ̃́ɔ zĩ̀ aɛ a vĩi Esauwa Sei busu pɔ wì mɛ lɔ Ɛdɔũ busuu. 5A ò a zĩnaɔnɛ: À gɛ́, à o ma dii Esauɛ, aà zɔblena Yakɔbu gɔɔplakɛ̀ Labã bɛ, àlɛ su sa. 6À oɛ̀ má zuɔ vĩ ń zaa'ĩnaɔ ń sãɔ ń bleɔ ń zɔgɔ̃ɛɔ ń zɔnɔɛɔ. Mamɛ ma á zĩ́ oiɛ̀, kɛ́ ma yã e kaaagu.
7Kɛ́ zĩnapiɔ ɛ̀a sù Yakɔbuwa, aa mɛ̀: Wa gɛ n vĩi kĩi, àlɛ mɔ́ dainlɛ ń gbɛ̃ɔn ɔaa plaɔ. 8Vĩa Yakɔbu kũ̀, àlɛ bilikɛ maamaa, ɔ̃ à gbɛ̃́ pɔ kuanɔɔ kpaalɛ̀ lɛɛ pla ń sãɔ ń bleɔ ń zuɔ ń yiongoɔ à mɛ̀: 9Tó Esau mɔ̀ lɛ̀lɛ a lɛɛ dowa, a lɛɛ do pɔ gɔ̃̀ a bɔ. 10Ɔ̃ à wabikɛ̀ Luawa à mɛ̀: Dii, ma dezi Ablahaũ ń ma mae Izaakio Lua, ń òmɛɛ mà su ma bɛ busuu ma daɛɔ kĩi, ní ɛfãaikɛmɛɛ. 11N gbɛ̃kɛ ń naaiyão kɛ̀mɛɛ maamaaɛ, ma bɛɛɛ i kao. Gɔɔ pɔ ma bua Yuudɛ̃wa yãa, lipana mɛ́ na ma ɔzĩ ado. Tiasa ma su ń aizɛɛ lɛɛ plaɛ beeɔ. 12Ma wabikɛ̀ma, ma si ma vĩiwa, asa malɛ vĩakɛ kɛ́ asu lɛlɛwá à nɔɛɔ ń nɛɔ dɛdɛ yãiɛ. 13Mpi sɔ̃ n mɛ̀ ńyɔ̃ ɛfãaikɛmɛɛ, ńyɔ̃ ma bui kãfĩ lan isialɛ ũfãawa, waɔ ń lɛ́ dɔ̃o an dasi yãi.#Daa 28.14-15
14Wekĩi ɔ̃ Yakɔbu ìu. Pɔ pɔ a plɛ̀, à a vĩi gbaɔn kɛ: 15Bleda ɔaa do, a sa bao, sãda ɔaa do, a sa bao, 16yiongoda baakwi ń ń nɛ yɔ̃minaɔ, zuda bla, swana kwi, zaa'ĩnda bao, a sa kwi. 17À ń ná a zĩkɛnaɔnɛ ń ɔzĩ bui ń buio, ɔ̃ a ònɛ́: Àɔ bɛ ma aɛ, í gupua da á zãnguo gãgã. 18A ò gbɛ̃́ sɛ̃iaɛ: Tó ma vĩi dànlɛ mɛ́ à n la à mɛ̀: Demɛ dɛ n dii ũi? Nlɛ gɛ́ má ni? Demɛ pɔ pɔ nlɛ dãɛ beeɔ vĩi? 19Ní oɛ̀ aà zɔblena Yakɔbu pɔɛ, pɔ pɔ à a dii gbà a kpã̀sãɛ̀ɔn we, aapi lɛ́ mɔ́, a kpɛ zɛ́u. 20À yãdoũpi ò gbɛ̃ɔn plaadeɛ ń gbɛ̃ɔn aaɔ̃deo ń pɔdãnaɔ pii à mɛ̀: Tó a da Esaulɛ, à oɛ̀ màa. 21À oɛ̀ aà zɔblena Yakɔbu lɛ́ mɔ́, a kpɛ zɛ́u. Asa aà laasoo guu à mɛ̀: Sema mà awakpaɛ̀ ń pɔ pɔ dɔ̀aamɛɛɔ, wí gbasa wà wɛsikɔ̃lɛ. A gi gbãakpaimazi saa? 22Gba dɔ̀aaɛ̀, ɔ̃ à gɔ̃̀ bòou gwã bee, à ì weɛ.
Yakɔbu dɛ̃ɛkaa ń Luao
23À fɛ̀lɛ gwãasĩna, à a nɔ gbɛ̃ɔn plaɔ sɛ̀lɛ ń a nɔ mɛn pla pɔ i mɛsɛdilɛnɛ́o gbɛ̃ɔn plaɔ ń a nɛgɔ̃ɛ gbɛ̃ɔn kuɛdoɔ, ɔ̃ à bùańnɔ Yaboko isaaa. 24Kɛ́ à bùańnɔ, ɔ̃ à pɔ pɔ a vĩɔ sɛ̀lɛ à bùaò pii. 25Yakɔbu gɔ̃̀ ado, ɔ̃ gɔ̃ɛe mɔ̀ lɛ́ dɛ̃ɛkaaanɔ e gu ye dɔi. 26Kɛ́ gɔ̃ɛpi è á fɔ̃ à aà nɛo, à aà lɛ̀ a gelewa, ɔ̃ aà gele bɔ̀ɔũ dɛ̃ɛkaapiu. 27Gɔ̃ɛpi mɛ̀: Ma gbaɛ, asa gu lɛ́ dɔɛ. Ɔ̃ Yakɔbu òɛ̀: Sema ǹ baaadamagu baasio, má n gbaɛo. 28Gɔ̃ɛpi aà là à mɛ̀: N tɔ́n kpelewai? Ɔ̃ à mɛ̀: Yakɔbu. 29Ɔ̃ a òɛ̀: Wàli mɛnɛ Yakɔbu lɔo, sema Isaili,#32.29 Bee mɛ̀ dɛ̃ɛkaa ń Luao asa n dɛ̃ɛkà ń Luao ń gbɛ̃nazĩnaɔ, ɔ̃ n dɛ̃ɛnɛ̀. 30Yakɔbu òɛ̀: Ǹ n tɔ́ omɛɛ sɔ̃. A wèwà à mɛ̀: Bɔyãi nlɛ ma tɔ́ lai?#Dɔa 13.17-18 Ɔ̃ à baaadàaagu we. 31Yakɔbu tɔkpà gupiɛ Pɛnuɛli,#32.31 Bee mɛ̀ Lua wɛ́ asa à mɛ̀: Wa wɛsìkɔ̃lɛ ń Luao, mɛ́ ma gi má ku. 32À bɔ̀ Pɛnuɛli ĩatɛ̃ bilɛa, àlɛ tɔ̃ɔlɛ a gele ĩa yãi. 33Ayãmɛto e gbã Isailiɔ lí nɔ̀ɔ tikusiwa soo, kɛ́ Lua Yakɔbu lɛ̀ a tikusiwa yãi.
اکنون انتخاب شده:
Daa 32: Boo2024
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Boko Bible © SIM International, 2024.