Daa 16
16
Hagaa ń a nɛ Isimaɛlao
1Ablaũ na Salai i nɛ'io. A zɔnɔɛ vĩ Egipi gbɛ̃́ ũ, wì mɛ Hagaa. 2Ɔ̃ Salai ò Ablaũɛ: Lá Dii ma kɛ fĩi ũɛ, wulɛ ń ma zɔnɔɛo. Má gí nɛɔ ei aà sabaia? Ɔ̃ Ablaũ Salai yãmà. 3Ablaũ wɛ̃̀ kwi kɛa Kanaa busuu gbɛa ɔ̃ Salai a zɔ Hagaa kpàwà nɔ ũ. 4Ablaũ wùlɛaanɔ, ɔ̃ à nɔsì. Kɛ́ a è á nɔsia, à dɔ̀ɛ a diiwa. 5Ɔ̃ Salai ò Ablaũɛ: Taae pɔ wa kɛ̀mɛɛ gɔ̃̀ n yã ũɛ. Ma a zɔ kpàma. Kɛ́ a è á nɔsia, ɔ̃ ìɔ dɔɛa. Mpi ń mapio, Dii mɛ́ a yãgɔ̃gɔ̃wɛ̃ɛ. 6Ɔ̃ Ablaũ wèwà à mɛ̀: N zɔá n pɔɛ. Kɛɛ̀ lá ń yeiwa. Kɛ́ Salai lɛ́ ĩadawà, ɔ̃ à baalɛ̀ɛ̀.
7Dii Malaika aà è nibɔna kĩi gbáau, nibɔnapi ku Sulu zɛ́ saɛɛ. 8Ɔ̃ à aà là à mɛ̀: Salai zɔnɔɛ Hagaa, n bɔ má ni? Nlɛ gɛ́ má ni? Ɔ̃ a wèwà à mɛ̀: Malɛ baalɛ ma dii Salaiɛɛ. 9Ɔ̃ Dii Malaika òɛ̀: Ɛa ǹ ta n diipiwa, níɔ misiilɛɛ̀.
10Má n bui kãfĩ
aaɔ dasi, waɔ ń lɛ́ dɔ̃o.
11Ń nɔsia, ńyɔ̃ nɛ'i gɔ̃ɛ ũ,
ní tɔkpaɛ̀ Isimaɛla,#16.11 Bee mɛ̀ Lua ì yãma
asa Dii n yãmà n taasikɛa guu.
12Aɔ dɛ lan sɛ̃a zaa'ĩnawa,
a ibɛlɛsɛ ń gbɛ̃piio,
gbɛ̃pii i ibɛlɛsɛaanɔ sɔ̃.
Aɔ ku kɔ̃yãi ń a gbɛ̃́piɔ gbɛ̃eoo.
13Ɔ̃ Hagaa mɛ̀: Lakĩi ma wɛsì Lua pɔ ì ma elɛ. Ɔ̃ à tɔkpà Dii pɔ yã'òɛɛ Luapɔima'e. 14Ayãmɛto wà tɔkpà lɔɔpiɛ Luabɛ̃ɛpɔima'elɔɔ. A ku Kadɛsi ń Bɛlɛdio zãnguoɛ.
15Hagaa nɛgɔ̃ɛ ì ń Ablaũo, ɔ̃ Ablaũ tɔkpàɛ̀ Isimaɛla.#Gal 4.22 16Gɔɔ pɔ Hagaa Isimaɛla ì, Ablaũ wɛ̃̀ basiiɔ̃sɔo ń mɛndooɛ.
اکنون انتخاب شده:
Daa 16: Boo2024
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Boko Bible © SIM International, 2024.