Daa 10
10
Nɔee buiɔ
(1 Lad 1.5-23)
1Nɔee nɛgɔ̃ɛɔ Sɛũ ń Haũo ń Yafɛtio ń ń nɛgɔ̃ɛ pɔ aa ì'i í daa dũniaa gbɛaɔ yãn kɛ: 2Yafɛti nɛgɔ̃ɛɔ tɔ́ɔn kɛ: Gomɛɛ, Magɔgu, Mɛdɛ, Gɛlɛsi, Tubali, Mɛsɛki ń Tilasio. 3Gomɛɛ nɛgɔ̃ɛɔ tɔ́ɔn kɛ: Asɛnazi, Lifa, Tɔgaama. 4Gɛlɛsi nɛgɔ̃ɛɔ tɔ́ɔn kɛ: Ɛlisa, Taasisi, Sipi, Lodani. 5Buipiɔ mɛ́ lìgua isiagɛɛwa, aa kɔ̃kpaalɛ̀ busu ń busuo, bui ń buio daɛdaɛ, baade ń a buiyão.
6Haũ nɛgɔ̃ɛɔ tɔ́ɔn kɛ: Etiopi, Egipi, Libi, Kanaa. 7Etiopi nɛgɔ̃ɛɔ tɔ́ɔn kɛ: Saba, Avila, Sabata, Laama ń Sabatɛkao. Laama nɛgɔ̃ɛɔn Seba ń Dedão ũ. 8Nimɛlodiá Etiopi buiɛ lɔ. Ɔ̃mɛ dũnia nɛgɔ̃n tɔde sɛ̃ia ũ. 9A dɛ Diiɛ toensa ũ. A yãi tò wì mɛ: Lan Niũlodi dɛ toensa ũ Diiɛwa. 10Babiloni busu pɔ a dɛ a kia ũ káau mɛɛwiaɔn Babɛli ń Ɛlɛkio ń Akadio ń Kalenɔo ũ. 11Bɔa we à gɛ̀ Asili busuu, ɔ̃ à Niniva kàlɛ ń Leobotiio ń Kalao 12ń Lɛsɛ̃ pɔ ku Niniva zãnguo ń Kala pɔ dɛ mɛɛwia zɔ̃ɔ ũo.
13Egipi buiɔn kɛ: Ludi buiɔ, Anaũ buiɔ, Lɛaba buiɔ, Nafɛtu buiɔ, 14Patusi buiɔ, Kasulu buiɔ, Kɛlɛti bui pɔ Filitɛ̃ɔ bɔ̀ ń guuɔ.
15Kanaa nɛgɔ̃ɛ sɛ̃ia Sidɔ̃ buiɔn kɛ: Iti buiɔ, 16Yebusi buiɔ, Amɔle buiɔ, Giigasi buiɔ, 17Hivi buiɔ, Aaka buiɔ, Sini buiɔ, 18Aavadi buiɔ, Zɛmali buiɔ, Hamata buiɔ. Kanaa buipiɔ lìgua gbɛzãɛ, 19an busu zɛlɛn kɛ: Bɔa za Sidɔ̃ gɛa Gelaa pɔ ku Gaza saɛ e Sɔdɔũ ń Gɔmɔɔo ń Ademao ń Zeboiũ pɔ ku Lasa saɛo. 20Haũ nɛgɔ̃ɛɔn we bui ń buio, busu ń busuo daɛdaɛ, baade ń a buiyão.
21Yafɛti dãuna Sɛũ buikɛ̀ lɔ. Ɔ̃mɛ Hɛbɛlu buiɔ dezikaau ũ. 22Sɛũ nɛgɔ̃ɛɔ tɔ́ɔn kɛ: Elaũ, Asili, Aapasa, Ludi, Alaũ. 23Alaũ nɛgɔ̃ɛɔ tɔ́ɔn kɛ: Uzu, Hulu, Getɛɛ, Mɛsɛki. 24Aapasa mɛ́ Sela ì, ɔ̃ Sela Hɛbɛlu ì. 25Hɛbɛlu nɛgɔ̃ɛɔ ì pla. Ado tɔ́n Pɛlɛgi,#10.25 Bee mɛ̀ kɛ̃aa asa aà gɔɔ ɔ̃ wà kɛ̃̀kɔ̃wa dũniau. Aà dãuna tɔ́n Yotã. 26Yotã nɛgɔ̃ɛɔ tɔ́ɔn kɛ: Alɛmɔda, Sɛlɛfi, Azemavɛ, Yela, 27Adolaũ, Uzali, Dikala, 28Obali, Abimaɛ, Seba, 29Ofii, Avila, Yobaba. Yotã nɛgɔ̃ɛɔn we pii. 30Bɔa Mɛsa gɛa Sefaa ń gbɛsĩsĩ pɔ ku gukpɛ oiɔ mɛ́ ń busu ũ. 31Sɛũ nɛgɔ̃ɛɔn we pii bui ń buio, busu ń busuo daɛdaɛ, baade ń a buiyão.
32Nɔee nɛgɔ̃ɛɔ buiɔn we daɛdaɛ busu ń busuo. An kĩi dũnia bui pii bɔ̀u, aa lìgua í daa dũniaa gbɛa.
اکنون انتخاب شده:
Daa 10: Boo2024
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Boko Bible © SIM International, 2024.