METIU 15
15
Ta:to Ya:yokvdv:dok Agom Poyir
(Mark 7.1-13)
1Odo Parisi: kvdv:dc odokkc porinc kvdv:dc Jisukolo:pc Jerusalemdokkc gva:to odokkc luto, 2“Kapila nok agom tadjvgla gvmvnnc tani:kvdv:dc ta:to-ya:yok longcdok igodgvgoddcm tadma:pc ibat-siyatdang? Kapila:nc bulu cdvlo dodonc buluk alagkvdv:dcm vrpu:sumang.”
3Bv bulum lubito, “Odokkc kapila nolu Ru:nckc kvnggv:pc lunamcm tadma:pc ibat-siyatdang noluk ta:toya:yokc longcdok igodgvgod lcgangc? 4Kapila:nc Ru:ncpvncbv kvnggv:pc luto, ‘Nok abudcm odokkc nok ancmc mcnggcsunamcm ilangka,’ odokkc, ‘Sc:kobv abbom cdcmanggom anncm aima:nc agomcm luycnc bvm simoru:langka.’ 5Ckvdaggom nolu ludo, ‘Sc:koiyc bvk abudcmmangom bvk ancdcm luyc, Nolu ngokkolok okodcm pa:pcnamma:nc Ru:ncpvncmc bitung, bv bvk abudcm mcnggcnam ipcnam kamang.’ 6Cdcmpidag noluk ta:toya:yokc longcdok igod gvgoddok lcgangc, nolu Ru:nckc agomcm mcpakto. 7Nolu kcvgpc asin mcngunc kvdvngc! Isaia:bv Ru:ncpvnckc agomcm lungordodcm airu:pc luto noluk agomcm, cdvlo bv lungorkaji!
8“Tani:kvdv:dc nabberkokki ngom mcngcsudag,
ckvdaggom asinkvdv:dc
ngokkolokkc airu:pc mo:tcdag.
9Atvkosin ima:nc kumnamcm ngom bulu kumdag,
tani:kvdv:dc lungorkvdv:dcm Ru:ncpvnckc agom cmna poyirdag.”
Tani: Akoncm Narc:ma:pc Imonc Attarkvdvng
(Mark 7.14-23)
10Odokkc Bv tani:kvdv:dcm bvkkolo:pc goga:to odokkc bulum luto, “Tattoka odokkc mcngkintoka: 11Nap pa:dok gva:ncdc:mang tani: akoncm narc:ma:pc imoncdc, cmpige:la nappadok okodc gvlendagnc, cdc tani: akoncm narc:ma:pc imodag.”
12Odo agom tadjvgla gvmvnnc tani:kvdv:dc gva:to odokkc Bvm luto, “No kindag Parisi:kvdv:dc:jc cdc lunamdcm taddodcm aima:p mcngkang cmna?”
13Bv lubito, “Ngok Taycng among Abukc lema:nam sa:lennc vsvng amvng appv:dcm bupakycku 14Bulum atcro:pc gvmotok; bulu miglunc gvgcbonnc. Odokkc miglunc tani: akonc miglunc tani:akoncm gvbomvlo, anyipakdc jiko:lo owa:yc.”
15Ckvdaggom pitorbv luto Bvm, “Kvlenkva:la kvkanbila kvnam do:yv:dcm kvteipcn.”
16Odokkc Bv luto, “Nolusinnci su:paksin mcngkinsuma:dan? 17Nolu ka:begma:lang nappa:dok gva:nc appv:dc aki: ara:pc pvnga:dag cmna, odokkc cdcmpc gvbadbomdag cmna? 18Ckvdaggom nappa:dok okodc lendagnc cdc asinbokkc lennc, okodc cdc tani: akoncm aima:pc imodag. 19Kapila:nc asin ara:bokkc aima:nc mc:nam sagnamc lendag, tani: mokenammc, ami nc:ngcm la:namc amilo gvma:dapc ika:mvnsunammc, dopso:nammc, yadla lubisunamc, aima:pc luka:nam. 20Cdcbuluna okodc tani:akoncm narc:ma:pc imoncdc; cmpige:la lasugcm suma:pc donamdc tani:akoncm narc:ma:pc imomang.”
Nc:ng Akolok Mc:jvg
(Mark 7.24-30)
21Odokkc Jisubv odokkc gvpakto odokkc Ti:rdo:pclang Sidon jilado:pc gvpakto. 22Odokkc ka:toka, Kananolok nc:ngko odo mo:takdokkc gvlento odokkc jc:la luto, “Ngom aya:pcmc:teika, O: Ru:tum, Dawidkc aowa: ngok omcdcm aima:ru:pc uikonc pa:to.”
23Ckvdaggom agom apirkosin bv lubitomang. Odokkc Bvk agom tadjvgla gvmvnnc tani:kvdv:dc gva:to odokkc Bvm kumna luto, scmpc lula, “Bvm mclvgtokuk, kapila:nc bv ngoluk lcdu lcdulo jc:la jc:la gvmvndo.”
24Bv lubito, “Ngom Israel okumdokkc yognc bera sobenong-kvdv:do:pc mclvgtag.”
25Ckvdaggom bv gva:to odokkc Bvk kcra:do lcbvng tuma:to, scmpc lula, “Ru:tuma, ngom ka:teibong.” 26Odokkc Bv lubito, “Ko:kangkvdv:dok pitangcm langge:la ikikvdv:dcm crbinamdc ainc agommang.”
27Bv luto, “C:lo, Ru:tuma, ckvdaggomci iki:kvdv:dc Ru:tumdok tcbuldok dopitnam pitangkvdv:dcm dobegdag.” 28Odo Jisubv bvm lubito, “C:lo ambvra, nok mc:jvgdc bottcru:dag! Cdcm nok mcngkamv:dcmpc ika:langka.” Odokkc oddung bvk omcdcm csa:motoku.
Jisubv Bojcrungko Tani:ycm Csa:mokunam
29Odokkc Jisubv gvtvla gvto odokkc Galil siycng ru:yipc pv:to. Odokkc Bv adi: tayc:pc re:sa:to, odokkc tedtu:to. 30Odokkc bottcru:nc yadkumsunc tani: kcrcngko Bvkkolo:pc gva:to, buluk lcdulo lambc gvla:ma:ncm, lcsu:lcbe:nckvdv:dcm, miglunckvdv:dcm, odokkc bojcrungcm, odokkc bulum Bvk alc kcra:do:pc gvangamlvgto, odokkc Bv bulum csangammotoku. 31Cdcmpidodcm tani: kcrc:dc mc:lamcngapla:tomang, cdvlo bulu ka:tonc agom lula:ma:nckvdv:dc lulangkangku, lcsulcbe:nc kvdv:dcm aimotoku, lambc gvla:ma:nc kvdv:dc gvlangkangku, odokkc miglunvkvdv:dc ka:begkangku; odokkc bulu Israeldok Ru:ncpvncdcm kumna aipai bito.
Jisubv Lv:ying Appi:ko Tani:ycm Domonam
(Mark 8.1-10)
32Odo Jisubv Bvk agom tadjvgla gvmvnnc tani:kvdv:dcm Bvkkolo:pc goga:to odokkc luto, “Ngokkc yadkumsunc tani:kvdv:scm ayang-abbo dung, kapila:nc bulu ngok lcdulo du:mvnnammc su:pak longc loumkopc ika:bong, odokkc donamc okkosin kama:bong; odokkc bulum kcnotvlv:motu:la mclvglvngkumang, kapcji ila bulu lambolo opek-oyegyc.”
33Odo agom tadjvgla gvmvnnv tani:kvdv:dc Bvm luto, “Okolok ngolu pv:namkopc pitangko pa:ycn sc sulli:sok sokkvddvnc bottanc yadkumsunc tani:kvdv:scm domopc?”
34Odokkc Jisubv bulum tawuto “Nolukkc cddvko pitangc du:n?” Bulu lubito, “Kvnvdko, odokkc ongo asudowko.”
35Odokkc yadkumsunc tani:kvdv:dcm amo:do tedtungamdopc lulvgge:la:yam, 36Bv pitang kvnvddcm odokkc ongodcm la:to, odokkc kumna aipai cmge:la Bv cdcmbulum tani:kvdv:dcm bito, odokkc agom tadjvgla gvmmvnnc tani:kvdv:dc yadkumsunc tani:kvdv:dcm bito. 37Odokkc bulu dola:tv:la dotvngamsukang; odokkc dongatkvdv:dcm gempa kvnvdkopc penpornammcm jo:sa:suto. 38Cdc donc appv:dok milbong tani:ongc lv:ying appi:kai, nc:ngkvdv:dcm odokkc ko:kang kvdv:dcm lumango:pci.
39Odokkc yadkumsunc tani: kvdv:dcm mclvgamge:kula, Bv ollung ara:do angkang odokkc Magadan mo:di: dungo:ycgo:pc gvkang.
اکنون انتخاب شده:
METIU 15: MISIBSI
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.
