Ranehlö INLĀHEN NGAM LĪPÖRE
INLĀHEN NGAM LĪPÖRE
Ngam minë-nyö Ranehlö nö töngömanah ʽʽLökngöritʼʼ. Ngaich ngam Līpöre nö vamë-eny inlaha vi-nīlö ngih panam, ngam lökngörit ngòh tarik, ngaich ngam ranehten ngam ötlanöökö töngam kanihngen nö ing panam ngaich ngam talöökö tī ngam Tēv nö lökten in ngòh tarik. Nëttit an ngam līpöre Ranehlö.
1 Mirūlö 1-11 Ngam vinī-lö ngih panam töngam Istōri yik tarik mā misī. Ihih nun minë vine-eny inlāha nā Ātöm nāṅ Ēva, Kēn naṅ Apēl, Nō-a tök ṙanöingö, ngaich ök tömarò-òlkui patī i Pēpilön.
2 Mirūlö 12-50 Ngam inlahen yik muvöhngö yik Israĕl. Aprāham ök raneh, kuö-ök mīkahre hĕnghöre hamang chöngö ngam Tēv inrē. Tömörit tö inlahen ök kūön ò Īsak. Ngaich ök yōm ò Yāköp (ök Israĕl invëka), ngaich yik tö nëtsīön tak kūön Yāköp, yik tö unôichngöre nö tö nëtsīön nö miyöngö Israĕl. Tö mööḵlö kinakka ök inlahen Yôsĕf ök töhĕngtak in yik kūön ò. Ngaich nuk la-en hē Yāköp töyik tahëng kūön ò nö holtö mikūönöre nö iyöng im panam Aikup.
Ngaich yēḵ ngih lipöre nö ṙôtö nup Istōri, inlahen tarik anū-ö nöng ṙô tönup kuilōn ngam Tēv nö in ngòh tarik nup tinī-i ò inrē. Löktökūö im ranehlö an ngam Tēv nö vīlö ngam halīöngö tumlat inrē, ngaich keuheūtngenre nö im ṙôre nö kilēḵngôre töre (ngam Tēv) nö örheūheu nö hameuktö neūkölōnre nö in yik tarikre. Keuheūthötre an ngam līpöre nöng i alaha ngam Tēv, ngam kamhôka (Tö akaha elmat) hĕnghöre chamökṙen cha yip tövaich hachōḵkūö cha, hayööken yip tarikre inrē, ngaich halööktit nup inlāha cha. Ngih līpöre nö kūichīyö nö inköpngö nuk Istōri ṙinātö ellōn (Mikah) yik mu-urĕh tarik ngaich yöölen tī tö u nö haköpkaṙen nö aṅ töngamuh.
Nëṅ i mat e:
Vinīlö ngih panam ngaich tö ngòh tarik 1.1-2. 25
Ranehten ngam Tökööl tö ngam Kanihngen 3.1-24
Löktökūö in Ātöm söl in Nō-a. 4.1-5.32
Nō-a tök Ṙanööingö 6.1-10.32
Tömarò-òlkui pati i Pēpilön 11.1-9
Löktökūö in Sëm Söl in Āprām. 11.10-32
Yik mā: Āprāham, Isāk, Yāköp 12.1-35.29
Yik mikūönö Isô 36-1-43
Yôsĕf tö yik mëm Ò 37.1-45.28
Yik Israĕl nö i Aikup 46.1-50. 26
اکنون انتخاب شده:
Ranehlö INLĀHEN NGAM LĪPÖRE: CANIBSI
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.