آیات محبوب کتاب مقدس از MARIKUS 9

به اشتراک گذاشتن

Yeesus à ɓàg ŋwaànɛ̀n lɛ: U kpaaghi mɛ lɛ i ù rì lɛ ù kì com kidɛŋ, lɛ wɔ̀ɔ̀ yii ɓi lɛ kìɓan ki ki ri lɛ ki yaaghrɛ̀n di ŋwaà rì rì rìgherɛ̀n ki yin?

Fɔɔnnɛ seŋì ŋwɔɓtì ànɛ̀n à ghàskà kì kpaa jɛ̀ɛ̀ aɗyoo lɛ: Ǹgherɛɛ! Yu ɓà mɛ kì ghɛɓsii ɓi rìɓa ɗi lɛ ɗì kɛ̀ɛ̀ rìgherɛ̀n.

Yɛ̀ɛ Yeesus à ɗiŋìghà ɓi naa, nni ɓɛ̀yilàg ɓii ɓɛ tɔkà nyi di ɓaa rɔ̀ɓ ɓɔ rì ɓɔ lɛ: Ɓisuucɛ nnɛ kìɓeɓtàg ki nghay kìn kaa yaagh ɓìsi rìnàɓ? Yeesus à ɓàg ɓɔ lɛ: Lɔŋ bɔŋ̀zɛ̀n yɛ̀ɛti ì kìlàg lɛ rìkuu ɗi nghay ɗìn ɗyɛɛ kpaŋ.

Kìkòn ki ri syeesyee à com. Nni i kìkòn ki mɛ rɔ̀ɓ kɛ̀ kɛɛ̀ yɛ̀ɛ̀ti, ɓɛ ri lɛ ɓɛ yɛɛ̀sì tì kɔ rì cɛ? Ɓaana rì kìkòn ɓi mìniìɓɔmiɗ, ɓì ki kɔ̀ri lɛ fyòoog, ɓi nyìinyìm wìn.

Mum ǹcèm ànɛ à ghàɓi maa ŋwɔɓti yɛ̀ɛ ànɛ rì kìnyàà ɓisu wɛ̀m a yi lɛ mɛ̀ɛmiɗ nnɛ à ghàɓi; nni ŋwaànɛ à ghàɓi mɛ̀, a yi lɛ, àa mɛ̀ nnɛ à ghàɓi, à ghàɓi ŋwaànɛ à romgày mɛ̀.

Ǹkalii mìni ɓi saaɗ lɛ: Ŋwaànɛ à rì mìni ɓiì faà gìras ì mɛ̀nig mɛnɔyɛn lɛ ɓìrì ɓum ɓɛ Kiris, àa mɛ̀m ɓi mɛlèɓ mɛ miì.

Wɔ̀lɛ i mum à kɛ̀ɓtii kìbog ki ɓi ɓɔɔɓɔɓti ɓɛ ɓɛ gherɛɛ mɛ̀ ɓɛ fiɓàg, ki ɓa tì kìrɔɔ lɛ ɓɛɛ suŋ nyi coo gɔ̀g ì kìpɛn ɓi kìmììgh, di ɓɛɛ pig nyi ɓi rìɓày à kìkòn.

I ɗis ɗyɔɔ ɗyɛɛ ri lɛ ɗyɛɛ kɛɓti wɔ̀ fìɓàg, sɔgha ɗyɔ, lɛ ki ri wɔ̀ kìrɔɔ lɛ u ɗiŋi ɓì kìlɔ̀ŋ ki Bɛ̀ll ɗi ù rì rì fìɗyaŋ à cee lɛ u kɛǹ ɓi kìgɛ̀ŋ ki ɗuu ɗi fiɗyàɓ fikɔ̀ɔ̀ rì mis mɔɔ mɛcèm