آیات محبوب کتاب مقدس از ESAYA 43

به اشتراک گذاشتن

Vonani, ndzi ta endla xilo lexintshwa, lexi nga ta humelela sweswi; xana mi nga ka mi nga xi tivi? Ndzi ta endla ndlela emananga, ni milambu enhoveni.

Loko u pela mati, ndzi ta va na wena, ni milambu yi nga ka yi nga ku nwerisi. Loko u famba endzilweni u nga ka u nga tshwi, ni langavi ri nga ka ri nga ku hisi.

“Mi nga ha tsundzuki leswi hundzeke, mi nga ha ehleketi swa khale.

Sweswi Yehovha la ku tumbuluxeke, wena Yakobo, la ku vumbeke, wena Israele u vula sweswo, a ku: “U nga chavi nchumu hikuva ndza ku kutsula, ndza ku vitana hi vito ra wena, u wa mina.

Hikuva emahlweni ka mina u ni nkoka, u ni ku dzuneka, na swona ndza ku rhandza; ndzi ta ku kutsula hi vanhu, ni vutomi bya wena hi matiko.

Hikuva hi mina Yehovha, Xikwembu xa wena, Muhlawuleki wa Israele, muponisi wa wena; ndzi ku nyika Egipta ku va ku kutsuriwa ka wena, Etiyopiya na Seba ematshan'weni ya wena.

U nga chavi hikuva ndzi na wena, ndzi ta vuyisa rixaka ra wena ri huma evuxeni, ndzi ri hlengeleta ri huma evupeladyambu.

“Hi mina, hi mina ntsena loyi a hlangulaka ku dyoha ka wena hikwalaho ka mina, kutani ndzi nga ka ndzi nga ha anakanyi swidyoho swa wena.

“Mi timbhoni ta mina,” ku vula Yehovha, “N'wina ni nandza wa mina loyi ndzi n'wi hlawuleke, hileswaku mi ta swi tiva, mi ndzi pfumela, mi va mi swi twa leswaku hi mina: Emahlweni ka mina a ku nga si va na xikwembu lexi endliweke, endzhaku ka mina ku nga ka ku nga vi na xin'wana.

“Hi mina, mina Yehovha ehandle ka mina a ku na muponisi!

Ndzi xona ka ha ri eku sunguleni, a ku na la lamulaka evokweni ra mina; ndzi ta tirha; ku ta ala mani?”

Swiharhi swa nhova swi ta ndzi dzunisa, vahlati ni tiyimbhu, hikuva ndzi ta va ndzi vekile mati emananga; ni milambu enhoveni, ku nwisa tiko ra mina, a nga muhlawuriwa wa mina. Tiko leri ndzi tiendleleke rona ri ta vula ku dzuneka ka mina.

Ndzi ta ku eka n'walungu, ‘Humesa!’ ni ka dzonga: ‘U nga arisi!’ Vuyisa vana va mina ematikweni ya le kule, ni vanhwana va mina hi le makun'wini ya misava, hinkwavo lava thyiweke hi vito ra mina vona lava ndzi va endleleke ku vonakala ka mina, lava ndzi va vumbeke, lava ndzi va endleke!”

Ku vula Yehovha, la boxeke ndlela elwandle, ni ntila ematini lamakulu. La hlomiseke tigolonyi ni tihanci, nyimpi ni tinhenha ta matimba. Hinkwavo va wile va nga ha pfuki va herile va timekile tanihi rivoni.

Hi mina Yehovha, Muhlawuleki wa n'wina, Muendli wa Israele, Hosi ya n'wina!”