آیات محبوب کتاب مقدس از Matiɔ 24

به اشتراک گذاشتن

Əmbrʉ ərə sə kə rô pâ nə â kə yi tə̂ nə̂ ə̂kpû azü sə kə zɨtɨ nə. Bale, əzü ə̂në tshə gbɔgbɔ tə̂ ye lə aərə səkɔ ʉrrr ndjɔ gâ tə̂ ama nə, Ndjapä sə kə she ətshə lə kuzu.

Əndje sə kə mʉ Ə̂rɔ̂ Əpʉ Əgɔngerə nə̂ Ndjapä səye pâ ashɔ nɔ̂ ndə kə pa amarä nɔ̂ dji əpʉ nə. Bale, mandânə, tshepashɔ sə kə nglɔ nə.»

E sə kə dji ndə əpʉ akowɔ trö gâ ndə əpʉ akowɔ ə̂në ə sə kə na gu nə kɔ, awa mä e mä ne. Mbrə ə̂në, aərə səkɔ lï ndə kə wutu nə, bale ə də̂ alɔ kə nglɔ tshepashɔ də̂ kə sə̂ ne.

Ə̈bə̈ marä sə kə afɔ ndə kə tɔ kowɔ də ə̈bə̈ ata marä, ə̈bə̈ əgɔngerə sə kə afɔ ndə kə tɔ kowɔ də ə̈bə̈ ata əgɔngerə. Əgerə əgo sə kə te nə â ashɔ sə kə meme tə̂ ye tə̂ aətshe na na ye. Aərə səkɔ nɔ̂ sə kə sə mata angbʉlî kə ka tshelə yashe ə̂në əgblə sə kə ka ətshə ndə kə pa tshə zu kɔ.»

Tshelafɔ də ashɔ sə kə ro nə, bale, aəpʉ ama əmə sə sə kə ro nə bale ne.»

Mbrə ə̂në azü ngbatshe sə kə na də əɨrɨ əmə â əzü bale bale sə kə pa nə ə pa: “Əmə də̂ Kristə nə!” Əndje sə kə frɔ ə̂kpû azü.

«Bale, əndje sə kə ko e gâ lə kəna azü ndə kə pa əndje gi əyo tə̂ e ə wo e. Tshelə amarä nɔ̂ sə kə wəra tə̂ əndje tə̂ e mbrə əɨrɨ əmə. Bale, tə̂ alɔ nə səkɔ, lɔsu azü ngbatshe sə kə te nə, azü sə kə ka angâ əndje â sə kə wəra tə̂ əndje tə̂ angâ əndje lə takpa tə̂ əndje. Ə̂kpû aafrɔ aawopandəma Ndjapä sə kə afɔ, ə frɔ azü ngbatshe.

Jezu kîrə əpʉ kə əndje ə pa: «Ala e në ka ə̈bə̈ əzü bale frɔ e frɔ ne!

Âdârə ə̂në, e-e ndje, e sə̈ trö, mbrə ə̂në Əgblə nə̂ Əzü sə kə gu nə tə̂ alɔ ə̂në e wusə̂ nə wu ne kɔ.»

Rəkɔ, ala e në, mbrə ə̂në, e wusə̂ əlo ə̂në Âgbɔ̂ Əyïngerə nə̂ e ə gu də nə kɔ wu ne.

«Əzü bale wusə̂ əlo nə də alɔ nə wu ne. Atrawaya nə̂ Ndjapä ə̂në əndje sə mâ lafɔ kɔ wala Ɨrɨ Ndjapä nə wusə̂ əlo nə wu bale ne, kʉtə̂ Abä tshî kə wusə̂ nə.

Mbrə ə̂në aafrɔ akristə də aafrɔ aawopandəma Ndjapä sə kə yi kumu əndje. Əndje sə kə ma aâgbɔ̂ aərə ə̈lü də aərə ə̂në ə za awa gâ lə azü je kɔ ndə kə pa əndje frɔ azü, äwä nə â sə je, əndje frɔ ndje azü ə̂në Ndjapä kê əndje gâ ye kɔ.

Ərə ə̂në ə wûtu leme-e tə̂ alɔ Nɔwe kɔ, ə sə kə wutu nə äwä bale tə̂ alɔ kə gu Əgblə nə̂ Əzü. Leme-e, tə̂ alɔ nə səkɔ, angbʉlînə ndə kə pa əgerə yavrɨ ni, ə̂ngû su ə za tshepashɔ nɔ̂, azü sə̂ kə zɨ ərə ə sə̂ kə ndju ərə, ə sə̂ kə ko tə̂ əndje, aləvu əndje kô ndje tə̂ əndje ʉrrr gâ tə̂ əlo ə̂në Nɔwe nə lî gâ lə bato kɔ. Əndje wûsə̂ nə wû bale ə pa ə̈bə̈ ərə ə ma je ne, ʉrrr â əgerə yavrɨ nî, ə̂ngû sû ə zâ tshepashɔ nɔ̂ â wô əndje nɔ̂. Ərə nə sə kə sə ndje äwä bale rə tə̂ alɔ kə gu Əgblə nə̂ Əzü.