آیات محبوب کتاب مقدس از یوحنّا روایت 21

به اشتراک گذاشتن

سحر یمه‌یئنی یئیندن سورا، عئسا شمعون پطروسا ددی: «یونا اوغلی شمعون، آیا سن منی بولاردان داها چوخ سوئرسن؟» شمعون اونا ددی: «بلی یارب، بئلئرسن کی، سنی سوئرم.» عئسا اونا ددی: « منئم قوزولاریمی گؤزله.» عئسا گئنه ائکئنجی دفه شمعونا ددی: «یونا اوغلی شمعون، آیا منی سوئرسن؟» شمعون اونا ددی: «بلی یارب، بئلئرسن کی، سنی سوئرم.» عئسا اونا ددی: «قویونلاریما چوبان اول.» عئسا اوچونجی دفه اونا ددی: «یونا اوغلی شمعون، آیا منی سوئرسن؟» عئسانین اوچونجی دفه اوندان «آیا منی سوئرسن؟» سوروشماسی پطروسی پرت اله‌دی. پطروس عئسایا ددی: «یارب، سن هر شیی بئلئرسن. بئلئرسن کی، سنی سوئرم.» عئسا اونا ددی: «منئم قویونلاریمی گؤزله.

دوغروسونی سنه دیئرم، جاوان اولدوغون زامان اؤزون اؤز بلئنی باغلاییب، ائسته‌دئیئن یره گدَردئن، آمّا قوجالیغیندا اللرئنی اوزاداجاقسان و اؤزگه بئری سنئن بلئنی باغلایاجاق و ائستمه‌دئیئن یره آپاراجاق.»

عئسا اولارا ددی: «توری قاییغین صاغ طرفئنه آتین کی، توتارسیز.» توری آتدیلار و بالیقلارین چوخلوغوندان اونی چکه بئلمئردئلر.

شمعون پطروس اولارا ددی: «بالیق توتماغا گدئرم.» اولار اونا ددئلر: «بئز ده سن ائنن گلئرئک.» اشئیه چیخیب قاییغا مئندئلر. آمّا او گجه هچ بئر شی توتا بئلمه‌دئلر.