آیات محبوب کتاب مقدس از 2 Corinto 3

به اشتراک گذاشتن

U Panginoon a nabanggit he ay u Banal a Ispirito, sakay ni hádya u Banal a Ispirito nu Panginoon, ay tehhod bi hod a kalayaan a gimitán u kagustuwan nu Diyos.

Sakay nadid ay nawan dán u tapoh tu isip tam, sakay netan dán nikitam u kapangyariyan nu Panginoon. I kapangyariyanan iye ay gábwat tu Panginoon a Banal a Ispirito. Siya u utay-utay a mangbagu nikitam, hanggan magin kapareho na kitam.

Pero ni sumole u tolay sakay maniwala tu Panginoon, ay mawan u nakatapoh tu pággisipan na.

Ni tu sadile mi la, ay awan sapat u kakayanan me a gimitán iye; nan u Diyos u nángkaluub nikame ti kakayananan iye. Inatádden na kame ti kakayanan para ipangaral u tungkul tu bigu na a tipan. Sakay i ipáppangaral miyan iye ay awan neayun tu nakasulat tu Kautusan nan tu Ispirito. Dipo u iyatád nu nakasulat a Kautusan ay kamatayan, pero u Ispirito ay mangatád ti biyag.