آیات محبوب کتاب مقدس از Maatiyos 5

به اشتراک گذاشتن

Xiyaw lel faanus iffoyshaanah citrot geridde mihayaanaaki, wuli defeenakke hayan, caredde tanem lel inkoh iffoysha. Amayim balih sin mece abittot yubliinih carshelle geytima sin Abbah nabne yaxawna ciloh, sin ifi xiyaw afalle iffowo.

Atin caalamti ifo kitin. Koomakke tane daafo sucutto mirhicta.

Yalla yabloona kinoonimhi sabbatah cado afcaado lem baraka-lem kinon.

Xayitoona kinoonimhi sabbatah, xaqqeh safrittah bakhartam baraka-lem kinon.

Anu laakin, ‘Sinni nacabtoolit ikxinantaaki, tamaa sin hadana marah dhaaco akah aba’ sinak arhxe.

“Amnonobba hin mari, carshi nigsinna ten tiya kinamhi sabbatah baraka-lem kinon.

Yallih cindhamah decsimoona kinoonimhi sabbatah salaam aba mari baraka-lem kinon.

Aydukumusnan geyoona kinoonimhi sabbatah xazzanoytam baraka-lem kinon.

Carshi nigsinna tenah kinamhi sabbatah xaqqeh arhxuk haddaanima mari baraka-lem kinon.

Raxma geyoona kinoonimhi sabbatah raxma-lem baraka-lem kinon.

Yottah arhxuk sinah waatimeenih sin hadaneenimko, umaaniiko takkanna zirabah sinak yerhxiinimko, atin baraka-lem kitin. Sinko basoohit nobowa gantah amaa ginah hadaneenimhi sabbatah, carshelle sin casbi naba tiya kinnik xedenteenih ifrixa.

Baarho yawrashoona kinoonimhi sabbatah, sabre-lem baraka-lem kinon.

Atin caalamti mulxu kitin, laakin mulxu ishi dhacam teyleemko, tee muluuxa aaginah gaxta? Tamficemih walaa inkim male, ciddittam kee xiyaw ibah adde taacitem bisa kinni.

Carshelle geytima sin Abba kaamil akah kinniika balih atin lel kaamil takkoona sinalle tane.”

Atu tarhxem, ‘Yoo, yoo’ hido ‘Maale, maale’ bisa yakko; tayimko fertem laakin uma tiyaako tamiite.

‘Inti intit idhdhah, iko lel ikot idhdhah’ yarhxiinim toobbiinih tanin. Anu laakin, umaanidde umaanih migarayna sinak arhxe. Laakin akkinnanti mizgi dhaban sinak dhabboonishemko, ootiya yakkeedo akah uxuwa.

Ku mizgi inti zambedde ku sayishshemko, teyyeeceh cid. Amayim lel umbuka ku nabsi jahannabadde cidditamko ku karimko inketta waytam tashshemhi sabbatah kinni. Ku mizgi gaba zambedde ku sayishshemko, igricaaki cid. Amayim lel umbuka ku nabsi jahannabadde cidditamko ku karimko inketta waytam tashshemhi sabbatah kinni.