آیات محبوب کتاب مقدس از رومیوں 12

به اشتراک گذاشتن

اِیں دُنیا دے طور طریقے اِختیار نہ کرو بلکہ سوچ نوِیں تھی ونجنڑ دے سببّوں بدل ونجو، تاں جو تُساں خُدا دی نیک، پسندیدہ تے کامِل مرضی کُوں تجربے نال جاݨ سگو۔

بس بِھراؤ! مَیں خُدا دیاں رحمتاں دا واسطہ ڈے تے تُہاڈی مِنت کریندا ہاں جو آپنڑے جِسم ہِک ایجھی قُربانی دے طور تے پیش کرو جیہڑی زندہ، پاک تے خُدا دی پسندیدہ ہے۔ اِیہو تُہاڈی مناسب عبادت ہے۔

اُمید ءچ خوش، مُصیبت ءچ صابر، دُعا کرݨ ءچ لگے راہو۔

بدی کُوں آپنڑے اُتے غالب نہ آوݨ ڈے بلکہ نیکی نال بدی اُتے غالب آ۔

برادرانہ محبت نال ہِک ڈُوجھے کُوں پیار کرو۔ آپنڑے کنُوں زیادہ ڈُوجھیاں دی عزت کرو۔

محبت ڈِکھاوے دی نہ ہووے۔ بُرائی کنُوں نفرت رکھو۔ نیکی کُوں پکڑی رکھو۔

جئیں تئیں ممکن ہووے تُساں آپنڑی طرفوں ہر اِنسان نال صُلح رکھو۔

عزیزو! بدلہ نہ گِھنو بلکہ خُدا دے غضب کُوں موقع ڈیؤ کیوں جو لِکھیا ہے جو ”رب فرمیندے، اِنتقام گِھننڑ میڈا کم ہے، بدلہ مَیں ای گِھنساں۔“

کوشش ءچ سُستی نہ کرو، بلکہ رُوحانی جوش نال بھرے راہو تے خُداوند دی خدمت کریندے راہو۔

مَیں اُوں فضل دی وجہ کنُوں جیہڑا میڈے اُتے تھئے، تُہاڈے ءچوں ہر ہِک کُوں آدھا ہاں جو جِتنا سمجھنڑ مناسب ہے کوئی آپنڑے آپ کُوں اُوں کنُوں زیادہ نہ سمجھے بلکہ ہر ہِک آپنڑی حقیقت کُوں اُوں اِیمان دے ناپ دے مطابق چنگی طرحاں جاݨ گِھنے، جیہڑا خُدا اُونکُوں بخش ڈِتے۔

بُرائی دا جواب بُرائی نال نہ ڈیؤ۔ دھیان نال او کم کرو جیہڑا ساریاں دی نِگاہ ءچ چنگا ہووے۔

ہِک ڈُوجھے نال اِتفاق نال راہو۔ اُچے اُچے خیال نہ بدھو، بلکہ چھوٹے لوکاں نال میل جول رکھو۔ آپنڑے آپ کُوں ڈُوجھیاں کنُوں عقل مند نہ سمجھو۔

بلکہ ”جے تیڈا دُشمنڑ بُکھا ہووے تاں اُونکُوں کھانڑا ڈے، جے ترِسّا ہووے تاں پانڑی پِلا، کیوں جو اِینویں کرݨ نال تُوں اُوندے سر اُتے بلدے کولیاں دا ڈھیر لیسیں۔“

جیہڑے تُہاکُوں سَتیندے ہِن، اُنہاں کیتے برکت دی دُعا منگو۔ لعنت نہ کرو بلکہ برکت منگو۔ خوشی مناوݨ آلیاں نال خوشی مناؤ، رووݨ آلیاں نال روؤ۔

خُدا دے لوکاں دیاں ضرورتاں پُوریاں کرو، مہمان نوازی کریندے راہو۔

جِینویں ساڈے ہِک جِسم ءچ بہُوں سارے اَنگ ہِن تے اُنہاں سارے انگاں دا کم ہِک جِیہا نئیں، اُونویں ای بھانویں اساں بہُوں سارے ہیں، وَل وی مسیح ءچ شامل تھی تے ہِک جِسم ہیں تے آپس ءچ ہِک ڈُوجھے دے اَنگ۔