آیات محبوب کتاب مقدس از ປະຖົມມະການ 35

به اشتراک گذاشتن

ແລະ ພຣະເຈົ້າ​ກໍ​ໄດ້​ກ່າວ​ແກ່​ລາວ​ວ່າ, “ເຮົາ​ເປັນ​ພຣະເຈົ້າ​ຜູ້​ມີ​ລິດອຳນາດ​ຍິ່ງໃຫຍ່; ຈົ່ງ​ມີ​ລູກ​ຫລານ​ຈຳນວນ​ຫລວງຫລາຍ ແລະ ເພີ່ມ​ທະວີ​ຈຳນວນ​ຂຶ້ນ. ຊົນຊາດ ແລະ ຊຸມຊົນ​ຂອງ​ຫລາຍ​ຊົນຊາດ​ຈະ​ເກີດ​ມາ​ຈາກ​ເຈົ້າ ແລະ ກະສັດ​ທັງຫລາຍ​ຈະ​ມາ​ຈາກ​ເຊື້ອສາຍ​ຂອງ​ເຈົ້າ. ດິນແດນ​ທີ່​ເຮົາ​ໄດ້​ມອບ​ໃຫ້​ແກ່​ອັບຣາຮາມ ແລະ ອີຊາກ​ນັ້ນ ເຮົາ​ກໍ​ມອບ​ໃຫ້​ແກ່​ເຈົ້າ​ເໝືອນກັນ ແລະ ເຮົາ​ກໍ​ຈະ​ມອບ​ດິນແດນ​ນີ້​ໃຫ້​ແກ່​ເຊື້ອສາຍ​ຂອງ​ເຈົ້າ​ທີ່​ຈະ​ມາ​ພາຍຫລັງ​ດ້ວຍ”.

ແລ້ວ​ຈົ່ງ​ມາ ໃຫ້​ພວກເຮົາ​ຂຶ້ນ​ໄປ​ທີ່​ເບັດເອນ, ບ່ອນ​ທີ່​ເຮົາ​ຈະ​ສ້າງ​ແທ່ນບູຊາ​ຖວາຍ​ແກ່​ພຣະເຈົ້າ ຜູ້​ໄດ້​ຕອບ​ຄຳອະທິຖານ​ຂອງ​ເຮົາ​ໃນ​ວັນ​ທີ່​ເຮົາ​ມີ​ຄວາມໂສກເສົ້າ ແລະ ຜູ້​ໄດ້​ຢູ່​ກັບ​ເຮົາ​ໃນ​ທຸກບ່ອນ​ທີ່​ເຮົາ​ໄປ”.

ພຣະເຈົ້າ​ໄດ້​ກ່າວ​ແກ່​ລາວ​ວ່າ, “ຊື່​ຂອງ​ເຈົ້າ​ແມ່ນ​ຢາໂຄບ, ແຕ່​ເຈົ້າ​ຈະ​ບໍ່​ຖືກ​ເອີ້ນ​ວ່າ​ຢາໂຄບ​ອີກ​ຕໍ່ໄປ; ຊື່​ຂອງ​ເຈົ້າ​ຈະ​ຖືກ​ເອີ້ນ​ວ່າ​ອິດສະຣາເອນ,” ດັ່ງນັ້ນ ພຣະອົງ​ຈຶ່ງ​ໄດ້​ຕັ້ງ​ຊື່​ໃຫ້​ລາວ​ວ່າ​ອິດສະຣາເອນ.

ດັ່ງນັ້ນ ຢາໂຄບ​ຈຶ່ງ​ໄດ້​ເວົ້າ​ກັບ​ຄອບຄົວ​ຂອງ​ລາວ ແລະ ທຸກຄົນ​ທີ່​ຢູ່​ກັບ​ລາວ​ວ່າ, “ຈົ່ງ​ກຳຈັດ​ບັນດາ​ພະ​ຂອງ​ຊາວ​ຕ່າງດ້າວ​ທີ່​ພວກເຈົ້າ​ມີ​ຢູ່​ກັບ​ພວກເຈົ້າ ແລະ ຊຳລະ​ພວກເຈົ້າ​ເອງ​ໃຫ້​ບໍລິສຸດ ແລະ ປ່ຽນ​ເຄື່ອງນຸ່ງ​ຂອງ​ພວກເຈົ້າ.

ຫລັງຈາກ​ນັ້ນ ພຣະເຈົ້າ​ໄດ້​ກ່າວ​ແກ່​ຢາໂຄບ​ວ່າ, “ຈົ່ງ​ຂຶ້ນ​ໄປ​ຍັງ​ເບັດເອນ ແລ້ວ​ຕັ້ງ​ຖິ່ນຖານ​ຢູ່​ທີ່​ນັ້ນ ແລະ ຈົ່ງ​ສ້າງ​ແທ່ນບູຊາ​ຂຶ້ນ​ທີ່​ນັ້ນ​ຖວາຍ​ແກ່​ພຣະເຈົ້າ ຜູ້​ໄດ້​ປາກົດ​ແກ່​ເຈົ້າ​ເມື່ອ​ເຈົ້າ​ປົບໜີ​ຈາກ​ເອຊາວ​ອ້າຍ​ຂອງ​ເຈົ້າ”.

ໃນຂະນະ​ທີ່​ນາງ​ໃກ້​ຈະ​ໝົດ​ລົມຫາຍໃຈ ຄື​ນາງ​ກຳລັງ​ຈະ​ຕາຍ​ນັ້ນ ນາງ​ກໍ​ໄດ້​ຕັ້ງຊື່​ໃຫ້​ລູກຊາຍ​ຂອງ​ນາງ​ວ່າ​ເບັນໂອນີ. ແຕ່​ພໍ່​ຂອງ​ລາວ​ໄດ້​ຕັ້ງ​ຊື່​ໃຫ້​ລາວ​ວ່າ​ເບັນຢາມິນ.