آیات محبوب کتاب مقدس از ປະຖົມມະການ 32

به اشتراک گذاشتن

ແລ້ວ​ຊາຍ​ນັ້ນ​ຈຶ່ງ​ໄດ້​ເວົ້າ​ວ່າ, “ເຈົ້າ​ຈະ​ບໍ່​ຊື່​ວ່າ​ຢາໂຄບ​ອີກ​ຕໍ່​ໄປ, ແຕ່​ມີ​ຊື່​ວ່າ​ອິດສະຣາເອນ, ເພາະ​ເຈົ້າ​ໄດ້​ສູ້​ກັບ​ພຣະເຈົ້າ ແລະ ສູ້​ກັບ​ມະນຸດ​ແລ້ວ​ເຈົ້າ​ກໍ​ຊະນະ”.

ແລ້ວ​ຊາຍ​ນັ້ນ​ກໍ​ເວົ້າ​ວ່າ, “ປ່ອຍ​ເຮົາ​ໄປ​ສາ ເພາະ​ແຈ້ງ​ແລ້ວ”. ແຕ່​ຢາໂຄບ​ໄດ້​ຕອບ​ວ່າ, “ຂ້າພະເຈົ້າ​ຈະ​ບໍ່​ປ່ອຍ​ທ່ານ​ໄປ​ຈົນ​ກວ່າ​ທ່ານ​ຈະ​ອວຍພອນ​ຂ້ານ້ອຍ”.

ດັ່ງນັ້ນ ຈຶ່ງ​ເຫລືອ​ແຕ່​ຢາໂຄບ​ຄົນ​ດຽວ ແລະ ມີ​ຊາຍ​ຄົນ​ໜຶ່ງ​ໄດ້​ມາ​ປ້ຳສູ້​ກັບ​ລາວ​ຈົນ​ແຈ້ງ.

ດັ່ງນັ້ນ ຢາໂຄບ​ຈຶ່ງ​ໄດ້​ເອີ້ນ​ທີ່​ນັ້ນ​ວ່າ​ເປນີເອນ, ໂດຍ​ກ່າວ​ວ່າ, “ເພາະ​ເຮົາ​ໄດ້​ເຫັນ​ພຣະເຈົ້າ​ໜ້າ​ຕໍ່​ໜ້າ ແລະ ເຖິງ​ປານ​ນັ້ນ​ພຣະເຈົ້າ​ກໍ​ຍັງ​ໄວ້​ຊີວິດ​ຂອງ​ເຮົາ”.

ເມື່ອ​ຊາຍ​ນັ້ນ​ເຫັນ​ວ່າ​ບໍ່​ສາມາດ​ເອົາ​ຊະນະ​ລາວ​ໄດ້​ແລ້ວ, ຊາຍ​ນັ້ນ​ຈຶ່ງ​ແຕະ​ທີ່​ເບົ້າ​ສະໂພກ​ຂອງ​ຢາໂຄບ ດັ່ງນັ້ນ ສະໂພກ​ຂອງ​ລາວ​ຈຶ່ງ​ເຄັດ​ໃນ​ຂະນະ​ທີ່​ເພິ່ນ​ໄດ້​ປ້ຳສູ້​ກັບ​ຊາຍ​ນັ້ນ.

ຊາຍ​ນັ້ນ​ໄດ້​ຖາມ​ລາວ​ວ່າ, “ເຈົ້າ​ຊື່​ຫຍັງ?” ລາວ​ໄດ້​ຕອບ​ວ່າ, “ຢາໂຄບ”.

ຢາໂຄບ​ກໍ​ໄດ້​ເວົ້າ​ວ່າ, “ກະລຸນາ​ບອກ​ຊື່​ຂອງ​ທ່ານ​ແກ່​ຂ້ານ້ອຍ​ດ້ວຍ”. ແຕ່​ຊາຍ​ນັ້ນ​ໄດ້​ຕອບ​ວ່າ, “ເປັນຫຍັງ​ເຈົ້າ​ຈຶ່ງ​ຖາມ​ຫາ​ຊື່​ເຮົາ?” ແລ້ວ​ຊາຍ​ນັ້ນ​ກໍ​ໄດ້​ອວຍພອນ​ລາວ​ຢູ່​ທີ່​ນັ້ນ.

ຂ້ານ້ອຍ​ບໍ່​ສົມຄວນ​ກັບ​ຄວາມ​ເມດຕາ ແລະ ຄວາມ​ສັດຊື່​ທີ່​ພຣະອົງ​ມີ​ຕໍ່​ຜູ້ຮັບໃຊ້​ຂອງ​ພຣະອົງ. ເມື່ອ​ຂ້ານ້ອຍ​ຂ້າມ​ແມ່ນ້ຳ​ຈໍແດນ​ນີ້​ໄປ​ຂ້ານ້ອຍ​ມີ​ພຽງ​ໄມ້ຄ້ອນເທົ້າ​ຂອງ​ຂ້ານ້ອຍ​ເທົ່ານັ້ນ, ແຕ່​ດຽວນີ້​ຂ້ານ້ອຍ​ໄດ້​ເປັນ​ຜູ້​ທີ່​ມີ​ສອງ​ຄ້າຍພັກ.

ເຫດສະນັ້ນ ຊາວ​ອິດສະຣາເອນ​ຈຶ່ງ​ບໍ່​ກິນ​ເອັນ​ທີ່​ຕິດ​ກັບ​ເບົ້າ​ຂອງ​ສະໂພກ​ຈົນ​ເຖິງ​ທຸກ​ວັນ​ນີ້, ເພາະ​ເບົ້າ​ສະໂພກ​ຂອງ​ຢາໂຄບ​ທີ່​ຖືກ​ແຕະຕ້ອງ​ຢູ່​ໃກ້​ເສັ້ນ​ເອັນ​ນັ້ນ.

ແລ້ວ​ຢາໂຄບ​ກໍ​ໄດ້​ອະທິຖານ​ວ່າ, “ໂອ ຂ້າ​ແດ່​ພຣະເຈົ້າ​ຂອງ​ອັບຣາຮາມ ແລະ ພຣະເຈົ້າ​ຂອງ​ອີຊາກ​ພໍ່​ຂອງ​ຂ້ານ້ອຍ, ພຣະເຈົ້າ​ຢາເວ, ພຣະອົງ​ຜູ້​ໄດ້​ກ່າວ​ກັບ​ຂ້ານ້ອຍ​ວ່າ, ‘ຈົ່ງ​ກັບ​ໄປ​ຍັງ​ບ້ານເມືອງ​ຂອງ​ເຈົ້າ ແລະ ຍາດພີ່ນ້ອງ​ຂອງ​ເຈົ້າ, ແລ້ວ​ເຮົາ​ຈະ​ເຮັດ​ໃຫ້​ເຈົ້າ​ຈະເລີນ​ຮຸ່ງເຮືອງ,’

ຂ້ານ້ອຍ​ອະທິຖານ​ວ່າ, ຂໍ​ຊ່ວຍ​ຮັກສາ​ຂ້ານ້ອຍ​ຈາກ​ເງື່ອມມື​ຂອງ​ເອຊາວ​ອ້າຍ​ຂອງ​ຂ້ານ້ອຍ​ດ້ວຍ, ເພາະ​ຂ້ານ້ອຍ​ຢ້ານ​ວ່າ​ລາວ​ຈະ​ມາ​ໂຈມຕີ​ຂ້ານ້ອຍ ແລະ ຮັກສາ​ບັນດາ​ຜູ້​ເປັນ​ແມ່​ພ້ອມ​ກັບ​ບັນດາ​ລູກ​ຂອງ​ພວກເຂົາ​ດ້ວຍ.