آیات محبوب کتاب مقدس از ປະຖົມມະການ 26

به اشتراک گذاشتن

ຈົ່ງ​ຢູ່​ໃນ​ດິນແດນ​ນີ້​ຊົ່ວ​ຂະນະ​ໜຶ່ງ, ເຮົາ​ຈະ​ຢູ່​ກັບ​ເຈົ້າ ແລະ ຈະ​ອວຍພອນ​ເຈົ້າ. ເພາະ​ເຮົາ​ຈະ​ມອບ​ດິນແດນ​ທັງໝົດ​ນີ້​ໃຫ້​ແກ່​ເຈົ້າ ແລະ ເຊື້ອສາຍ​ຂອງ​ເຈົ້າ ແລະ ຈະ​ຢືນຢັນ​ຄຳ​ປະຕິຍານ​ທີ່​ເຮົາ​ໄດ້​ສາບານ​ໄວ້​ກັບ​ອັບຣາຮາມ​ພໍ່​ຂອງ​ເຈົ້າ.

ເຮົາ​ຈະ​ເຮັດ​ໃຫ້​ເຊື້ອສາຍ​ຂອງ​ເຈົ້າ​ມີ​ຈຳນວນ​ຫລວງຫລາຍ​ເໝືອນດັ່ງ​ດວງດາວ​ໃນ​ທ້ອງຟ້າ ແລະ ຈະ​ມອບ​ດິນແດນ​ທັງໝົດ​ນີ້​ໃຫ້​ແກ່​ພວກເຂົາ ແລະ ໂດຍ​ຜ່ານ​ທາງ​ເຊື້ອສາຍ​ຂອງ​ເຈົ້າ ຊົນຊາດ​ທັງໝົດ​ເທິງ​ແຜ່ນດິນໂລກ​ຈະ​ໄດ້​ຮັບ​ພອນ, ເພາະ​ອັບຣາຮາມ​ໄດ້​ເຊື່ອຟັງ​ເຮົາ ແລະ ເຮັດ​ທຸກສິ່ງ​ທີ່​ເຮົາ​ຕ້ອງການ​ໃຫ້​ລາວ​ເຮັດ ໂດຍ​ການ​ຮັກສາ​ຄຳສັ່ງ​ຂອງ​ເຮົາ, ຂໍ້ກຳນົດ ແລະ ຄຳແນະນຳ​ຕ່າງໆ​ຂອງ​ເຮົາ”.

ເພິ່ນ​ໄດ້​ຍົກຍ້າຍ​ອອກ​ໄປ​ຈາກ​ທີ່​ນັ້ນ ແລະ ຂຸດ​ນ້ຳສ້າງ​ອີກ​ໜ່ວຍ​ໜຶ່ງ, ເທື່ອ​ນີ້​ບໍ່​ມີ​ຜູ້ໃດ​ມາ​ຜິດຖຽງ​ເລື່ອງ​ນ້ຳສ້າງ​ອີກ. ເພິ່ນ​ຈຶ່ງ​ຕັ້ງ​ຊື່​ໃຫ້​ນ້ຳສ້າງ​ນັ້ນ​ວ່າ​ເຣໂຮໂບດ, ເພິ່ນ​ໄດ້​ກ່າວ​ວ່າ, “ບັດນີ້ ພຣະເຈົ້າ​ຢາເວ​ໄດ້​ໃຫ້​ບ່ອນ​ພວກເຮົາ​ແລ້ວ ແລະ ພວກເຮົາ​ຈະ​ຈະເລີນ​ຮຸ່ງເຮືອງ​ຂຶ້ນ​ໃນ​ດິນແດນ​ນີ້”.

ພຣະເຈົ້າ​ຢາເວ​ໄດ້​ປາກົດ​ແກ່​ອີຊາກ ແລະ ໄດ້​ກ່າວ​ວ່າ, “ຢ່າ​ລົງ​ໄປ​ທີ່​ເອຢິບ; ຈົ່ງ​ອາໄສ​ຢູ່​ໃນ​ດິນແດນ​ນີ້​ບ່ອນ​ທີ່​ເຮົາ​ບອກ​ເຈົ້າ​ໃຫ້​ອາໄສ​ຢູ່.

ອີຊາກ​ຈຶ່ງ​ໄດ້​ສ້າງ​ແທ່ນບູຊາ​ຂຶ້ນ​ຢູ່​ທີ່​ນັ້ນ ແລະ ຮ້ອງ​ອອກ​ນາມ​ຂອງ​ພຣະເຈົ້າ​ຢາເວ. ເພິ່ນ​ໄດ້​ຕັ້ງ​ເຕັນ​ຂອງ​ເພິ່ນ​ຂຶ້ນ​ຢູ່​ທີ່​ນັ້ນ ແລະ ຄົນຮັບໃຊ້​ຂອງ​ເພິ່ນ​ກໍ​ຂຸດ​ນ້ຳສ້າງ​ຂຶ້ນ​ໜຶ່ງ​ໜ່ວຍ​ຢູ່​ທີ່​ນັ້ນ​ດ້ວຍ.