آیات محبوب کتاب مقدس از ປະຖົມມະການ 12

به اشتراک گذاشتن

“ເຮົາ​ຈະ​ເຮັດ​ໃຫ້​ເຈົ້າ​ເປັນ​ຊົນຊາດ​ໃຫຍ່, ແລະ ເຮົາ​ຈະ​ອວຍພອນ​ເຈົ້າ; ເຮົາ​ຈະ​ເຮັດ​ໃຫ້​ຊື່ສຽງ​ຂອງ​ເຈົ້າ​ຍິ່ງໃຫຍ່, ແລະ ເຈົ້າ​ຈະ​ເປັນ​ພອນ. ເຮົາ​ຈະ​ອວຍພອນ​ບັນດາ​ຜູ້​ທີ່​ອວຍພອນ​ເຈົ້າ, ແລະ ເຮົາ​ຈະ​ສາບແຊ່ງ​ບັນດາ​ຜູ້​ທີ່​ສາບແຊ່ງ​ເຈົ້າ, ແລະ ທຸກ​ຄົນ​ໃນ​ໂລກ ຈະ​ໄດ້​ຮັບ​ພອນ​ຜ່ານ​ທາງ​ເຈົ້າ”.

ພຣະເຈົ້າ​ຢາເວ​ໄດ້​ກ່າວ​ແກ່​ອັບຣາມ​ວ່າ, “ຈົ່ງ​ອອກ​ຈາກ​ບ້ານເມືອງ​ຂອງ​ເຈົ້າ, ປະຊາຊົນ​ຂອງ​ເຈົ້າ ແລະ ຄອບຄົວ​ພໍ່​ຂອງ​ເຈົ້າ​ເພື່ອ​ໄປ​ຍັງ​ດິນແດນ​ທີ່​ເຮົາ​ຈະ​ສະແດງ​ແກ່​ເຈົ້າ.

ດັ່ງນັ້ນ ອັບຣາມ​ກໍ​ໄດ້​ອອກ​ໄປ ຕາມ​ທີ່​ພຣະເຈົ້າ​ຢາເວ​ໄດ້​ບອກ​ເພິ່ນ; ແລະ ໂລດ​ກໍ​ໄດ້​ໄປ​ກັບ​ເພິ່ນ. ອັບຣາມ​ອອກ​ຈາກ​ເມືອງ​ຮາຣານ​ເມື່ອ​ເພິ່ນ​ມີ​ອາຍຸ​ໄດ້ 75 ປີ.

ພຣະເຈົ້າ​ຢາເວ​ໄດ້​ປາກົດ​ແກ່​ອັບຣາມ ແລະ ກ່າວ​ວ່າ, “ເຮົາ​ຈະ​ມອບ​ດິນແດນ​ນີ້​ໃຫ້​ແກ່​ເຊື້ອສາຍ​ຂອງ​ເຈົ້າ”. ດັ່ງນັ້ນ ເພິ່ນ​ຈຶ່ງ​ໄດ້​ສ້າງ​ແທ່ນບູຊາ​ຂຶ້ນ​ຢູ່​ທີ່​ນັ້ນ​ເພື່ອ​ຖວາຍ​ແກ່​ພຣະເຈົ້າ​ຢາເວ ຜູ້​ທີ່​ໄດ້​ປາກົດ​ແກ່​ເພິ່ນ.