آیات محبوب کتاب مقدس از ເອເຊກຽນ 34

به اشتراک گذاشتن

ເຮົາ​ຈະ​ຊອກຫາ​ແກະ​ໂຕ​ທີ່​ຫລົງ​ຫາຍ. ເຮົາ​ຈະ​ນຳ​ເອົາ​ໂຕ​ທີ່​ຫລົງ​ໄປ​ນັ້ນ​ກັບ​ຄືນ​ມາ ແລະ ເຮົາ​ຈະ​ພັນ​ບາດແຜ​ໃຫ້​ໂຕ​ທີ່​ບາດເຈັບ ແລະ ເຮັດ​ໃຫ້​ໂຕ​ທີ່​ອ່ອນແອ​ໃຫ້​ແຂງແຮງ​ຂຶ້ນ, ແຕ່​ເຮົາ​ຈະ​ທຳລາຍ​ໂຕ​ທີ່​ອ້ວນ​ພີ ແລະ ໂຕ​ທີ່​ແຂງແຮງ. ເຮົາ​ຈະ​ລ້ຽງດູ​ພວກເຂົາ​ດ້ວຍ​ຄວາມ​ຍຸຕິທຳ.

ເຮົາ​ຈະ​ເບິ່ງແຍງ​ແກະ​ຂອງ​ເຮົາ​ເໝືອນ​ຄົນລ້ຽງແກະ​ທີ່​ເບິ່ງແຍງ​ຝູງແກະ​ຂອງ​ຕົນ​ທີ່​ໄດ້​ກະຈັດກະຈາຍ​ໄປ​ເມື່ອ​ເວລາ​ທີ່​ລາວ​ຍັງ​ຢູ່​ກັບ​ພວກເຂົາ. ເຮົາ​ຈະ​ກອບກູ້​ເອົາ​ແກະ​ເຫລົ່ານັ້ນ​ອອກ​ມາ​ຈາກ​ທຸກ​ບ່ອນ​ທີ່​ພວກເຂົາ​ກະຈັດກະຈາຍ​ໄປ​ໃນ​ວັນ​ທີ່​ເມກ​ຄຶ້ມ ແລະ ມືດ​ມົນ.

“ ‘ເພາະ​ພຣະເຈົ້າ​ຢາເວ ອົງ​ເຈົ້ານາຍ​ກ່າວ​ດັ່ງນີ້​ວ່າ: ເຮົາ​ເອງ​ຈະ​ຕາມ​ຫາ​ແກະ​ຂອງ​ເຮົາ ແລະ ເບິ່ງແຍງ​ພວກເຂົາ.

ເຮົາ​ເອງ​ຈະ​ລ້ຽງດູ​ຝູງແກະ​ຂອງ​ເຮົາ ແລະ ໃຫ້​ພວກເຂົາ​ນອນ​ລົງ, ພຣະເຈົ້າ​ຢາເວ ອົງ​ເຈົ້ານາຍ​ປະກາດ​ດັ່ງນີ້.

ພວກເຈົ້າ​ເປັນ​ແກະ​ຂອງ​ເຮົາ, ເປັນ​ແກະ​ແຫ່ງ​ທົ່ງຫຍ້າ​ຂອງ​ເຮົາ ແລະ ເຮົາ​ຄື​ພຣະເຈົ້າ​ຂອງ​ພວກເຈົ້າ, ພຣະເຈົ້າ​ຢາເວ ອົງ​ເຈົ້ານາຍ​ປະກາດ​ດັ່ງນັ້ນ’ ”.

“ບຸດ​ມະນຸດ, ຈົ່ງ​ທຳນວາຍ​ປະນາມ​ບັນດາ​ຄົນລ້ຽງແກະ​ຂອງ​ອິດສະຣາເອນ, ຈົ່ງ​ທຳນວາຍ ແລະ ກ່າວ​ແກ່​ພວກເຂົາ​ວ່າ: ‘ພຣະເຈົ້າ​ຢາເວ ອົງ​ເຈົ້ານາຍ​ກ່າວ​ດັ່ງນີ້​ວ່າ: ວິບັດ​ແກ່​ຄົນລ້ຽງແກະ​ຂອງ​ອິດສະຣາເອນ ຜູ້​ເບິ່ງແຍງ​ແຕ່​ຕົນ​ເອງ! ຄົນລ້ຽງແກະ​ຄວນ​ຈະ​ເບິ່ງແຍງ​ຝູງແກະ​ບໍ່​ແມ່ນ​ບໍ?