آیات محبوب کتاب مقدس از MARKUSI 9

به اشتراک گذاشتن

Insa amuambia: «Usurongoa amba ‹neka utsoshindra›? Piya umukinishiha ha uwo aaminio.»

Sa ile ɓaɓahe wa umwana ule ashelemedza: «Nisuamini, ɓadi nisaidiye v̄ahanu nakosewa na uaminifu.»

Wakati Insa angia moni na inyumba, maswihaɓa yahe waja wamudzisa: «Manatrini wasi karashindra raĩdzia djini lile?» Awadjiɓu: «iNamuna ya djini lini kalishindri utolwa neka tsi ha mamilio.»

Shingo, iyo shitru ndjema. Ɓadi neka shingo ilawa ladha, ha trini ɗe mutru atsoshindrao airegeze? Namuke na shingo moni hanyu, tsena muke na amani wanyu na wanyu.»

«Mutru yotsi arengao mwanamutsa mauri ɗe unu ha lidzina langu, uwo asunirenga ɗe wami; na mutru yotsi anirengao, kasunirenga ɗe wami, ɓadi ɗe Uwo aniv̄eleha.»

Na mutru yotsi atsomuv̄aoni shikombe ya maji ya unwa ha siɓaɓu amba wanyu wa Kristi, nisumuambiani ha kweli amba ithawaɓu yahe kaitsomulatsisha.»

«Mutru atsokwalisao moja hari mwa uwatiti wanu waniaminio, itsoka afudhwali ya waye ufungwa ɓwe ɓole tsingoju, andre apulisiwe zilindrini.

Na neka dzitso laho lihutsongesha ukwale, livoɓowe! Ɓorwa hahoju ungiye moni na Utawalizi wa Mungu na dzitso moja, rahana ukana matso maili, ne uvutswe moni na umoro wa Djahanama.