آیات محبوب کتاب مقدس از MAHEƁRANIYA 11

به اشتراک گذاشتن

Na uaminifu, uwo ɗe iyakini ya iyo mutru atumainiao, muhakikisho wa izo mutru kasuziona. Ɗe ha uwo ɗe uwadzaɗe wakorongolwa na sifa.

Mana neka tsi ha uaminifu, tsi trongo mukinishiha amba mutru amujiv̄idze Mungu, mana uwo amukuruɓiao, alazimu aamini amba a v̄av̄o, tsena amba waye uv̄a thawaɓu wao wamuzunguhao.

Ha uaminifu ɗe rielewao amba ulemengu ufanyiwa ha urongozi wa Mungu, ha namuna amba izo zionehanao, kazalawa hari mwa zionehanao.

Ha uaminifu ɗe Iɓrahima atuĩ uhiriwa yahe andre v̄ahanu v̄ulio amba akoja av̄upare mwaratha. Alawa ɓila ujua v̄ahanu akwendra. Ha uaminifu ɗe aja aẽshi shi mudjeni hari mwa tsi aka atolewayo wahadi. Akoẽshi hari mwa maɓanga ya haima, amma na Isiaka na Yaãkuɓu, walio amba waka warithi v̄umoja na waye wahadi uwo-uwo.

Ha uaminifu ɗe Nuhu ufahamishiwa yahe na Mungu na trongo zilio amba raha kazakoonehana, ha utuĩvu wahe, afanya djahazi ile ahuyi udjama wahe. Ɗe ha uwo ɗe ahukumu ulemengu, amwesa afanyiha muarithi wa umuhakisho uparihanao ha uaminifu.

Ha uaminifu ɗe Henoki arengwa, ha namuna amba asuone ufa. Kaparihana tsena, mana Mungu amurenge. Na kaɓula ya waye urengwa, apara ushahidifu amba akomujiv̄idza Mungu.

Ha uaminifu, ɗe Haɓilu amutolea Mungu sadaka ɓorwa rahana la Kayinu. Na ha wilo apara ushahidifu wa mukuɓalisho wahe, iv̄o Mungu waye-waye akuɓali izo amutamaniazo. Na ha uaminifu wahe uwo, ata iv̄o afa, ne raha asulagua.

Ɗe ha uaminifu ɗe Sara waye-waye, wala ukana amba aka azidi maha, av̄olwa ushindzi wa madzazi, mana amuono amba muaminifu Monyewe utoa uwahadi.

Mana akotumainia liɗago liliona misingi mihodari, lilio amba Mungu waye-waye ɗe aliɓunu tsena aliundra.

Ɗe ha uaminifu ɗe Musa uɓalihi yahe ahara uhiriwa mwana wa umwana mutrumama wa Firiyauna. Aono ɓorwa arendrwe mbovu v̄umoja na umati wa Mungu, rahana ukana furaha ya muda hari mwa dhambi. Akoona amba udhilifu ha siɓaɓu ya Kristi, uwo utadjirifu rahana piya zidafine za Miswiri, mana akoangalia ɗe ithawaɓu yakoja. Ɗe ha uaminifu ɗe alawia iMiswiri, ɓila uria hadhaɓu za mufalume; asiki hodari, amba mutru aonao Uwo alio amba kaonehana.

Ɗe ha uaminifu ɗe Iɓrahima wakati akodjereɓiwa, akomutoa Isiaka sadaka. Akotoa sadaka mwana moja-moja wahe, ule aka atolewa zinguwahadi

Ɗe ha uaminifu ɗe lisusu Rahaɓati kaangamia v̄umoja na wao kawakotuĩ, mana aka akariɓisa ha uzuri uwatunduzi wa Israila.

Ɗe ha uaminifu ɗe wav̄ira hari mwa iƁahari Ndzukundru mauri hari mwa trotro kavu, ɓadi Mamiswiri udjereɓu yawo, waroro.

Ɗe ha uaminifu ɗe zinguhura za Jeriko zakomoha, ɓaanda zazingidziwa muda wa suku saɓa.

Ɗe ha uaminifu ɗe ahetsi uMutupio|Mutupio, na umutsanyio wa damu milongoju, pare uMuangamifu asuɓambe madzazi ya handra ya uwana wa Maisraila.

Ɗe ha uaminifu ɗe Yusufu ondrofa yahe, alagua umulawio wa Maisraila ulawa Miswiri, amwesa atoa ãmuri yahusu yimiɓa yahe.

Ɗe ha uaminifu ɗe Yaãkuɓu wakati akofariki, asopelea kula mwana wa Yusufu, amwesa amutukuza Mungu ha uɗemea hari mwa itsa ya mupweke wahe.

Ɗe ha uaminifu ɗe Isiaka amusopelea Yaãkuɓu na Ĩzu waɓarikishihe hari mwa zijao.