آیات محبوب کتاب مقدس از MAHEƁRANIYA 10

به اشتراک گذاشتن

Rasulishe ungulidzana na wanyatru wa shi uaminifu, mauri ɓaãdhwi waliona udzevu nayo, ɓadi naritriyane ɓari wasi na wasi, na zini hususwani iv̄o muonao amba iSuku isukuruɓia.

Narike watsunga wasi na wasi, ritriyane ɓari hari mwa itrongo ya uv̄endza, na hari mwa zitrendro ndjema.

Narisike hodari itama yatru riikuɓalio ha hadhwira ɓila rasujeledze, mana Uwo atoa uwahadi, waye muaminifu.

Ilazimu mukane ustahamilivu, ile ɓaanda mwafanya mav̄endzeleo ya Mungu, mupare iyo yatolwa wahadi.

V̄av̄o narikuruɓiye ha umo warahara na uaminifu mukamilifu, tsena na roho yarahatsiwa na tuhuma mbovu, v̄umoja na mwili ulio amba uhoswa ha maji maraharifu.

Mwasulatse ɓasi uaminifu wanyu ulio amba usuv̄inga thawaɓu ɓole.

Mana neka risuãswi ha kusudi ɓaanda rapara ujuzi wa ukweli, ɓasi v̄av̄o kav̄usuɓaki tsena sadaka la utoa madhambi, ɓadi mulindrilio wendza trisidzo wa ihukuma ya Mungu, uhali wa umoro ujao uvudze wao wamukanyushao.