آیات محبوب کتاب مقدس از 1 MONYE 2

به اشتراک گذاشتن

Ɓadi wanyu kaɓila yatsahulwa, Matolezi-Masadaka ya shiufalume, nishani ndzitwaharifu, umati Mungu adziparia, ile mujudze yimisifio ya Uwo amuhirani ulawa shidzani mwendre hari mwa iheu ndzitukufu yahe.

Waye alio amba waye monyewe av̄ingi madhambi yatru mwilini hahe hari mwa umuri|muri wa pawa, pare rife uhusu madhambi, ne riẽshi uhusu ihaki; waye alio amba ha madjaraha yahe muangalisiwa. Mana muka mauri maɓariɓari yandrao mboya, ɓadi av̄asa murudi ha Uwo alio Mutsunga wanyu, tsena Mugogezi wa ziroho zanyu.

Wanyu mulio amba hale hule kamwaka umati, av̄asa mufanyiha umati wa Mungu; wanyu mulio amba kamwaka mwapara urehema, av̄asa mupara urehema.

Mauri wana wadzalwa av̄asa, namutsahe dzia swafi-swafi la shiroho, ile ha wilo muhuwe, mupare uhuyifu

Wav̄endzewa wangu, wanyu mulio wadjeni shiv̄andreju mwa tsi, tsena muv̄irao na ndzia, nisumutafadalini mudziɓause na zingushauku za shiunadamu ziwanao na nafusi zanyu. Namukane maendreleo mazuri mbeli na watru kawamuji Mungu, ile pare v̄ahanu kamwe wamurongoaoni amba wanyu warendrezi-mbovu, waone zitrendro ndjema zanyu, amwesa wamutukuze Mungu isuku ya umujilio wahe.

Na wanyu-wanyu mauri mawe yalio hayi, namurumishihe hari mwa liɓundro la nyumba ya shiroho, mukane urumishi mutwaharifu wa Utolezi-Masadaka, ile mutowe masadaka ya shiroho, yakuɓalishiha na Mungu, ha ndzia ya Insa-Kristi.

Namutsuwe ɓasi kula uovu, kula udangamanyifu, unafiki, uwivu, na kula musingidzio.

Namuje mumupare waye, Ɓwe lilio hayi, lalatswa na wanadamu, ɓadi latsahulwa na uonehana amba lendza faida ɓole mbeli za Mungu.

Namudziv̄inge shi wendza unafasi, ɓila ufanya unafasi wanyu amba shitamba ifinikiao taɓia mbi; mudziv̄inge shi warumwa wa Mungu.

Mana mav̄endzeleo ya Mungu ɗe amba ha ufanya ndjema, muɓale ihanyo ya ujinga wa yamalaɓa.