آیات محبوب کتاب مقدس از Maalʉko 5

به اشتراک گذاشتن

ɄYeesu ahamʼmʉʉzya huje, “Nʼnɨndu, ʉponile, pɨpo ʉli nʉ lwɨtɨho. Bhalaga hu tengaanu, ɨshi ʉponile.”

Mu mpʉga ɨla mwahali nʉ nʼshɨ ʉmo wa‑ahali nɨ mpʉngo ɨya‑azwe idanda hu shishɨ hu maaha ishʉmi na gabhɨɨlɨ. Ʉnʼshɨ ʉla ahayɨmbɨle haani abheete mwa bhaganga abhinji. Ahamalile ɨshʉʉma shaakwe shonti abheete mwa bhaganga, leelo ɨmpʉngo yaakwe saga yahatontaga lwonti, lyoli yahonjelelaga.

Lwa wagupalamansya lwene, idanda lyahaleha afume, wope ahahwiyʉmvwa huje, aponile lyoli.

Ahagukhata ʉmʼvimba guula ʉnʼkhono, ahaga, “Talita, komi!” Hwa huje, “We nʼnɨndu, ɨnjiga, daamuha!”

ɄYeesu lwa‑ali sha‑ayanga nʉ nʼshɨ ʉyo, abhantu bhahɨnza afume hu khaaya ya Yaayilo, ʉnʼnongozi wɨ nyumba ɨya‑apuutile na‑amanyiilile, bhahaga, “Wee Yaayilo, leha hunʼnyanzye ʉMʼmanyizyi, ʉmwalɨ waaho afwiye.” Leelo ʉYeesu saga ahasaaga ɨzyo bhahayangaga lwonti, ahamʼmʉʉzya ʉyise wa mwalɨ ʉla huje, “Ʉgandi ahwogope lwonti, ʉbhe nʉ lwɨtɨho lwene.”

ɄYeesu lwa wanʼnola, ahalibhʉʉzya ipepo lya lyahali mwa mwene huje, “Fuma mwa muntu ʉnʉ!” Ɨpo ʉmuntu ʉla ahakhoola ɨhoolo haani huje, “Wee Yeesu, Mwana wa Ngʉlʉbhɨ wa‑ali Nʼgoosi hu vintu vyonti, ɨndi nɨ yeenu naawe? Ɨhulamba hwi‑itaawa lya Ngʉlʉbhɨ huje, ʉgandi hundavye.” ɄYeesu ahabhʉzɨɨlɨzya huje, “Itaawa lyaho we naanu?” Lyahamʼmwamula lyahaga, “Itaawa lyanɨ nɨ Mpʉga, pɨpo atɨ tili bhinji muuhati mwa muntu ʉnʉ.”