آیات محبوب کتاب مقدس از 'Olic 42

به اشتراک گذاشتن

Nawiro matini ko nika rarom ako? Nawiro matini ko nika toled ako? O sasafaloco'en ako ko Kawas, o laliyawen ako a pahmek Cingra, o pa'oripay a Kawas ako Cingra.

Kawasaw, matiya o maso'away a malonem a mikilim to nanom no sa'owac ko nika 'ilol ako i Tisowanan. O mida'ocay a ma'orip a Kawas, ma'ilol kako i Tisowanan, ano hacowa a manga'ay kako a tayra i ka'ayaw Iso a mita'ong saw?

Nawiro mararom kako? Nawiro matoled kako? O sasafaloco'en ako ko Kawas, o papahmeken ako Cingra, o pa'oripay a Kawas ako Cingra.

Saromi'ami'ad sa kako a tomangic, kalakakaenen hanto ako ko losa' ako, mararid ko 'ada ako a milicay i takowanan, <<I cowaay ko Kawas iso saw?>> saan.

Mararom ko faloco' ako i kaliwasakan, saka, maharateng ako ko Kawas. Cingra ko mitahpoay i takowanan to sakararom a taplik, matiya o cdas ko piltoh no mirawraway, matiya o cascas no Hirmon a lotok ato Micar a tokos a pasayra i Yortan a 'alo a mistol.