آیات محبوب کتاب مقدس از Yohana 10

به اشتراک گذاشتن

Umuhiidzi iikwadza mu wugulume wa kuhiidza, kukoma nu kwananga. Neke kangi uneene ndaadzile ukuta vavedzage nu wuumi, kangi vavedzage nawo úwudewiike.

“Uneene nde mudiimi munofu. Umudiimi umunofu akwitawula uwuumi waakwe wiimila wa ngʼolo dzaakwe.

Ingʼolo dzangu dzikuumulikidza. Uneene ndídzidzeeliye, nadzo dzikuuniniila.

Uneene ndikudzipeela uwuumi uwa mbeepali, nadzo dzisilaayaga nambi. Kangi sikwali umuunu ye ahadza akudzisweketula ukuhuma mu mawoko gangu.

Uneene ndili mulyango. Umuunu ye iikwingila mu livaga wugendela wa neene iipokwa, kangi iivedza nu wuvangwa ukwingila nu kuhuma, ukuta aluwone ulukwamilo.

Uneene ndili mudiimi munofu. Ndídzidzeeliye wunofu ingʼolo dzangu, nadzo dzíindzeeliye uneene

UDaada ye áameeliye idzo, mukomi ukulutila vonda. Lino sikwali umuunu ye iisweketula ukuhuma mu mawoko ga Daada. Uneene nu Daada tuli yumwinga.”

ngita uDaada kye áandzeeliye uneene, na yuune ndímudzeeliye umwene. Na yuune ndikwitawula uwuumi wangu wiimila wa ngʼolo.

Sikwali umuunu ye iinyaga uwuumi wangu, nda haamu, ndikuwutawula mwe ndiikeelela uneene. Uneene ndili nu wutawulilwe wa kwitawula uwuumi wangu, nu kuwaanukila kangi. UDaada áandagiidze ndilimage ewo.”

Kangi uYesu akuvalongelaga iitigilaga, “Ndakyene ndikuvalongela ndiitigila, uneene ndili mulyango gwa ngʼolo.

Umulima-malimo ye iikwanukila uluhombo, si mudiimi umunya ngʼolo. Ngana awone ilikekeeva liikwadza, iinyila nu kudzileka ingʼolo dzeene. Apo ilikekeeva liikwibata ingʼolo, idzingi dziipalaangʼana.

UYesu iiginaga ukuvalongela aVafwalisayo iitigilaga, “Ndakyene ndikuvalongela ndiitigila, umuunu ye asiikwingila mu livaga lya ngʼolo kugendela pa mulyango, neke agendelage apangi hela, uyo muhiidzi kangi mugonadaasi.