آیات محبوب کتاب مقدس از Romatɔwo 4

به اشتراک گذاشتن

Meke ɖi le eɖokui me, le nu si ŋugbe Mawu do nɛ la ŋu, wòava zu be mexɔ Mawu dzi se o. Ke boŋ eƒe xɔse gasẽ ŋu ɖe edzi wu, eye wòtsɔ bubu na Mawu. Eka ɖe edzi bliboe be Mawu ate ŋu awɔ nu si ŋugbe wòdo la godoo.

Woŋlɔ ɖi be: “Metsɔ wò ɖo dukɔ geɖewo tɔ́e.” Ale ŋugbedodo sia li ke le Mawu ŋkume. Mawu sia dzie Abraham xɔ se, eyae gbɔa agbe ame kukuwo, eye eyae yɔa nu siwo mele xexea me tsã o la wovana nɔa anyi.

Míaƒe vodadawo tae wowui ɖo, eye Mawu fɔe ɖe tsitre, ale be woabu mí be míele dzɔdzɔe.

Togbɔ be mɔkpɔkpɔ aɖeke meganɔ anyi o hã la, Abraham ya ganɔ mɔ kpɔm kple xɔse kokoko, be yele dukɔ geɖewo tɔ́ zu ge, abe ale si wogblɔe na ye la ene be: “Alea gbegbee wò dzidzimeviwo le agbɔ sɔ gee nye esi!”

Le esia ta la, xɔse dzie ŋugbedodo la tsi tsitre ɖo, ale be nu si ŋugbe wodo la va zu nu si Mawu ve mía nu hetsɔ na mí, ame siwo katã nye Abraham ƒe dzidzimeviwo la faa. Menye ame siwo wɔa sea dzi la ɖeɖe koe wòli na o, ke boŋ eli na ame siwo katã xɔ se la hã abe ale si Abraham xɔ se ene, elabe Abraham ye nye mí ame siwo katã xɔ se la tɔ́.

“Mawu yra ame siwo eya ŋutɔ tsɔ woƒe vodadawo ke wo la, ame siwo ƒe nuvɔ̃wo dzi wotsyɔ nui. Mawu yra ame si Aƒetɔ la mebu nuvɔ̃ na o la.”

Ke nya ka mawunya la gblɔ? Ebe: “Abraham xɔ Mawu dzi se, eya ta Mawu bui be ele dzɔdzɔe.”