آیات محبوب کتاب مقدس از Romatɔwo 3

به اشتراک گذاشتن

Elabe ame sia ame wɔ nuvɔ̃, eye mete va Mawu ƒe ŋutikɔkɔe la gbɔ kura o. Ke Mawu ve wo nu, bu wo be wole dzɔdzɔe, abe nunana ene, esi Kristo Yesu xe fe ɖe wo nu la ta.

Mawu bua ame sia ame si xɔ Kristo dzi se la be ele dzɔdzɔe. Mede vovototo aɖeke wo me o.

Mawu ŋutɔe do ŋgɔ tsɔ Kristo la ɖo anyi be, to eƒe ku me la, woatsɔ míaƒe nuvɔ̃wo ake mí, ne míexɔ edzi se ko. Esia ɖee fia be Mawu wɔa nu dzɔdzɔe, elabe egbɔ dzi blewuu heŋe aɖaba ƒu nuvɔ̃ siwo míewɔ tsã la dzi. Ewɔ esia be yeaɖee afia, le egbe ŋkeke siawo me, be ye ŋutɔ la, ɖe yele dzɔdzɔe, eye yebua ame si xɔ Yesu dzi se la hã be ele dzɔdzɔe.

Womabu amegbetɔ aɖeke be ele dzɔdzɔe le Mawu ŋkume, esi wòwɔ sea dzi ta o, elabe se la ɖeko wònana míedzea sii be nuvɔ̃ li boŋ.

Mawunya ɖo kpe edzi be: “Ame aɖeke meli, si le dzɔdzɔe o. Ao, ɖeka pɛ hã meli o. Ame aɖeke meli, si sea nu gɔme o, eye ɖeke hã meli, si dia Mawu ƒe mɔ o. Wo katã wotra mɔ; wo katã woda ƒú, eye ɖeke meli, si wɔa nu nyui o. Ɖeka pɛ hã meli o.

Nyati si míetu tsitre lae nye be wobua ame be ele dzɔdzɔe, nenye be exɔ Kristo dzi se, ke menye esi wòwɔ sea dzi ta o.

Ao! Esia madzɔ akpɔ o. Ne amegbetɔ ɖe sia ɖe zu alakpatɔ hã la, Mawu ya, nyateƒetɔ ko wòanye godoo. Woŋlɔ ɖi be: “Ne èƒo nu la, tɔwò nedzɔ. Ne wodrɔ̃ ʋɔnu wò la, woatso afia na wò godoo.”